گرانتپەن وقىعان تٷلەك ٶز دايىندىق باعىتى بويىنشا جەكەمەنشٸك ۇيىمداردا ەش كەدەرگٸسٸز جۇمىس ٸستەي الادى. بۇل تۋرالى بٸلٸم جەنە عىلىم مينيسترٸ اسحات ايماعامبەتوۆ مەلٸم ەتتٸ, دەپ حابارلايدى "ۇلت اقپارات".
«مەملەكەتتٸك گرانت ارقىلى وقۋعا تٷسكەن ستۋدەنتتەردٸڭ گرانتتى جۇمىسپەن ٶتەۋ شارتتارى جەڭٸلدەتٸلدٸ. ەندٸ تٷلەكتەر تەك مەملەكەتتٸك مەكەمەلەردە عانا ەمەس, جەكەمەنشٸك ۇيىمداردا دا جۇمىس ٸستەپ, گرانتتارىن ٶتەي الادى. باستى شارت – دايىندىق باعىتى (ماماندىعى) بويىنشا جۇمىس ٸستەۋٸ تيٸس», - دەپ تٷسٸندٸردٸ مينيستر ەلەۋمەتتٸك جەلٸدەگٸ پاراقشاسىندا.
ونىڭ ايتۋىنشا, بۇل مەسەلەنٸ تٷلەكتەر جيٸ كٶتەرەتٸن. جاڭا نورما تٷرلٸ ۇيىمدارداعى كادر مەسەلەسٸن شەشۋگە دە سەپتٸگٸن تيگٸزەدٸ.
سونداي-اق تٷلەكتەردٸڭ جۇمىسپەن قامتىلۋ مٷمكٸندٸكتەرٸن كەڭەيتۋگە جول اشادى.
«مىسالى, ستۋدەنت اۋىلدىق كۆوتا ارقىلى فارماتسەۆتيكا باعىتى بويىنشا وقۋىن اياقتادى دەلٸك. كەيٸن ول اۋىلعا بارىپ, ٶز ماماندىعى بويىنشا مەملەكەتتٸك ۇيىمدا جۇمىس ٸستەۋگە مٸندەتتٸ بولاتىن.
ال, اۋىلدا مەملەكەتتٸك دەرٸحانا جوق بولسا شە? تٷلەكتٸڭ قيىن جاعدايعا تاپ بولاتىنى انىق. سوندىقتان بۇل مەسەلە دە شەشٸمٸن تاپتى.
قازٸر مەملەكەتتٸك-جەكەشەلٸك ەرٸپتەستٸك دامىپ كەلەدٸ جەنە مەملەكەتتٸك تاپسىرىس جەكەمەنشٸك بالاباقشالاردا, مەكتەپتەر مەن اۋرۋحانالاردا ورنالاستىرىلىپ جاتىر. ەندٸگٸ كەزەكتە گرانتپەن وقىعان تٷلەك ٶز دايىندىق باعىتى بويىنشا جەكەمەنشٸك ۇيىمداردا ەش كەدەرگٸسٸز جۇمىس ٸستەي الادى», - دەدٸ ا. ايماعامبەتوۆ.
