قر بعم مەكتەپ بٸتٸرۋ كەشٸن قىمبات شاراعا اينالدىرماي, مەكتەپ قابىرعاسىندا ٶتكٸزۋدٸ ۇسىنادى, دەپ حابارلايدى "ۇلت اقپارات" مينيسترلٸكتٸڭ باسپاسٶز قىزمەتٸنە سٸلتەمە جاساپ.
وقۋ جىلىنىڭ اياقتالۋىنا وراي, وقۋشىلار مەن اتا-انالاردى مەكتەپ بٸتٸرۋ كەشٸن ٶتكٸزۋدٸڭ فورماتى الاڭداتادى. سونىمەن قاتار, اتا-انالار كوميتەتٸنٸڭ اقشا جينايتىندىعى تۋرالى حابارلاما جيٸ تٷسەدٸ. ول كٶپتەگەن اتا-انا ٷشٸن وتباسىلىق بيۋدجەتكە سالماق سالاتىنى انىق.
مۇنداي حابارلامالارعا جاۋاپ رەتٸندە قر بٸلٸم جەنە عىلىم مينيسترلٸگٸ ٶز تاراپىنان مەكتەپ بٸتٸرۋ كەشٸن اقشانى ٷنەمدەۋ ٷشٸن كافە, رەستورانداردا ەمەس, مەكتەپ قابىرعاسىندا ٶتكٸزۋدٸ ۇسىندى. سونداي-اق, مينيسترلٸك مەكتەپ بٸتٸرۋ كەشٸنٸڭ ماقساتىن سەندٸ كيٸمدەر مەن مول داستارحاندى كٶرسەتۋ ەمەس, شىن جٷرەكتەن, جاقسى ۇيىمداستىرىلعان شارا رەتٸندە بالالاردىڭ, مۇعالٸمدەر مەن اتا-انالاردىڭ ەسٸندە قالارلىق مەكتەپٸشٸلٸك جيىن دەپ ەسەپتەيدٸ.
مەكتەپ بٸتٸرۋ كەشٸنٸڭ فورماتى قىمبات ەرٸ سەن-سالتاناتقا تولى كەش بولماۋى كەرەك. جىلدار بويى تۇلعانى قالىپتاستىرۋدا تالماي ەڭبەك ەتكەن پەداگوگتار مەن اتا-انالار جەنە بٷگٸن مەكتەپ قابىرعاسىنان تٷلەپ ۇشىپ, ٷلكەن ٶمٸرگە قادام باسىپ جاتقان كەشتٸڭ باستى كەيٸپكەرلەرٸ - تٷلەكتەر اراسىنداعى جىلى ديالوگ تٷرٸندە ٶتكەنٸ ابزال.
اتالعان كەشتە وقۋدا وزات, جەتٸستٸككە جەتكەن, مەكتەپ, اۋدان, قالا, وبلىس, رەسپۋبليكالىق, حالىقارالىق دەڭگەيدەگٸ سپورتتىق, ينتەللەكتۋالدىق جارىستاردا جەڭٸمپاز بولعان, مەكتەپتٸڭ قوعامدىق ٶمٸرٸنە بەلسەندٸ اتسالىسقان بالالاردى قۇرمەتپەن اتاپ ٶتۋ – ورىندى.
تٷلەكتەر مەكتەپ بٸتٸرۋ كەشٸن پەداگوگتاردىڭ كٶمەگٸمەن كرەاتيۆتٸ باعدارلاما دايىنداپ, اتا-انالارىنا, سٷيٸكتٸ ۇستازدارىنا جەنە جانىنا جاقىن سىنىپتاستارىنا العىستارىن بٸلدٸرەتٸن ماعىنالى ەرٸ قىزىقتى فورماتتا ۇيىمداستىرۋىنا بولادى.
