سۋرەت: Reuters
امەريكاندىق Meta Platforms Inc. (بۇرىنعى Facebook) الداعى ايلاردا 10 مىڭعا جۋىق جۇمىس ورنىن قىسقارتادى, - دەپ حابارلايدى Tengrinews.kz سايتى Deutsche Welle-گە سٸلتەمە جاساپ.
بۇل تۋرالى كومپانييانىڭ باس ديرەكتورى مارك تسۋكەربەرگ كومپانييا قىزمەتكەرلەرٸنە حات جولداعان. تسۋكەربەرگ 2023 جىلدى "تيٸمدٸلٸك جىلى" دەپ اتاپ, كومپانييا شىعىندارىن شامامەن 5 ميلليارد دوللارعا دەيٸن قىسقارتۋدى جوسپارلاپ وتىرعانىن ايتقان.
ونىڭ سٶزٸنە قاراعاندا, بۇل ايتارلىقتاي قارجى جەتٸسپەۋشٸلٸگٸ جاعدايىنداعى شىعىستاردى ازايتۋ بويىنشا كەزەكتٸ شارا بولماق.
الداعى بٸرنەشە ايدا باسشىلىق جۇمىسقا جاڭادان قابىلدانعان قىزمەتكەرلەردٸڭ جالاقىسى, سۇرانىس تٶمەن جوبالاردان باس تارتۋ مەن كومپانييانى قايتا قۇرىلىمداۋعا قاتىستى جوسپارلارىن جارييالايدى.
