قازاقستاننىڭ دەنساۋلىق ساقتاۋ مينيسترٸ الەكسەي تسوي دٷنيەجٷزٸلٸك دەنساۋلىق ساقتاۋ ۇيىمىنا سٸلتەمە جاساي وتىرىپ, كوروناۆيرۋستىڭ جاڭا "وميكرون" شتامى تۋرالى جاڭارتىلعان دەرەكتەردٸ جارييالادى, - دەپ حابارلايدى Tengrinews.kz تٸلشٸسٸ.
"وميكرون" تۋرالى جاڭارتىلعان اقپارات. قىسقاشا مازمۇنى: زەرتتەۋ جالعاسىپ جاتىر, ال بارلىق قورىتىندى باسقا نۇسقالارداعى ۇقساس مۋتاتسييالار تۋرالى تەجٸريبە مەن بٸلٸمگە نەگٸزدەلگەن.
تاسىمالدانۋ ەلەۋەتٸ: "وميكرون" باسقا شتامدارعا قاراعاندا قالاي تارالاتىنى ەلٸ بەلگٸسٸز. يە, وڭتٷستٸك افريكادا قازٸر بۇل شتامدى جۇقتىرۋ دەرەگٸ كٶبەيگەن, بٸراق ەپيدەميولوگييالىق زەرتتەۋلەر اياقتالعانعا دەيٸن بۇل نۇسقانىڭ تارالۋ ەلەۋەتٸ ارتقانى تۋرالى ناقتى قورىتىندى جاساۋعا بولمايدى", - دەپ جازدى تسوي Facebook-تە.
ونىڭ ايتۋىنشا, سونداي-اق "وميكرون" شتامى دەنساۋلىققا قانشالىقتى اۋىر جاعداي تۋعىزاتىنى ەلٸ بەلگٸسٸز.
"ەزٸرگە "وميكرون" بەلگٸلەرٸ COVID-19-دىڭ باسقا نۇسقالارىنان قالاي ەرەكشەلەنەتٸنٸ تۋرالى ەشقانداي دەلەل جوق. الدىن الا مەلٸمەت وڭتٷستٸك افريكادا اۋرۋحاناعا جاتقىزۋ جيٸلٸگٸ كٶبەيگەنٸن كٶرسەتەدٸ, بٸراق اۋرۋحاناعا جاتقىزۋ قاۋٸپتٸڭ الدىن الۋعا بايلانىستى بولۋى مٷمكٸن.
تابيعي يممۋنيتەتتٸڭ تيٸمدٸلٸگٸ (اۋىرعان ادامداردا): الدىن الا دەرەكتەر باسقا نۇسقالارمەن سالىستىرعاندا "وميكروندى" قايتا جۇقتىرۋ قاۋپٸ جوعارى بولۋى مٷمكٸن ەكەنٸن كٶرسەتەدٸ, بٸراق دەرەكتەر از", - دەدٸ مينيستر.
ونىڭ ايتۋىنشا, ددسۇ "وميكروننىڭ" ۆاكتسينا تيٸمدٸلٸگٸنە ىقتيمال ەسەرٸن باعالايدى. قازٸرگٸ ۋاقىتتا ۆاكتسينالار ۆيرۋسقا قارسى ٶتە تيٸمدٸ قۇرال. كەڭٸنەن قولدانىلاتىن سىناما جٷيەلەرٸ "وميكروندى" تيٸمدٸ انىقتاپ جاتىر.
تەراپييانىڭ پايدالىلىعى تۋرالى ايتا كەلە, مينيستر كورتيكوستەرويدتار مەن ينتەرلەيكين-6 تەجەگٸشتەرٸ "وميكرون" نۇسقاسىنان تۋىنداعان اۋرۋدى ەمدەۋدە تيٸمدٸ ەكەنٸن اتاپ ٶتتٸ. باسقا ەمدٸك قۇرالداردىڭ (سونىڭ ٸشٸندە مونوكلونالدى انتيدەنەلەردٸڭ) تيٸمدٸلٸگٸ زەرتتەلەتٸن بولادى.
