قازاقستاندا شامامەن 800 ادام كوروناۆيرۋستى قايتا جۇقتىرىپ الدى. بۇل تۋرالى قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى "ۇلت اقپارات".
«ەگەر ادام بٸر رەت اۋىرسا, قايتادان اۋىرمايدى دەگەن تٷسٸنٸك - مٷلدەم قاتە. مۇنى تٷسٸنۋٸمٸز قاجەت. قازاقستاندا قازٸرگٸ ۋاقىتتا شامامەن 800 ادام كوروناۆيرۋسپەن قايتادان اۋىرىپ قالعان. ولار ۆاكتسينا الماعان بولاتىن. جالپى, بۇل تەك قازاقستاندا عانا ەمەس ٶزگە دە ەلدەرگە تەن ٷردٸس. ەۋروپادا جەنە ٶزگە دە ەلدەردە مىڭداعان ادام قايتادان اۋىرىپ جاتىر», - دەدٸ مينيستر ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا.
ونىڭ اتاپ ٶتۋٸنشە, ٶزٸڭدٸ جەنە جانىڭداعى ادامداردى قورعاۋ ٷشٸن ۆاكتسينا العان دۇرىس. ەسٸرەسە, بٸرٸنشٸ كەزەكتە 60 جاستان اسقان جەنە سوزىلمالى اۋرۋلارى بار ازاماتتار ەكپە العانى جٶن.
«بٸز بارلىق ازاماتتارعا ەكپەنٸ بەلسەندٸ تٷردە الۋعا كەڭەس بەرەمٸز. ينفراقۇرىلىمدىق تۇرعىدا العاندا قازاقستاننىڭ ەربٸر ٶڭٸرٸندە, تٸپتٸ ساۋدا ورتالىقتارىندا ەكپە پۋنكتتەرٸ اشىلعان. ٶزدەرٸڭٸز دە دٷربەلەڭ جوق ەكەنٸن كٶرٸپ وتىرسىز. ەلٸمٸزدٸڭ بارلىق ازاماتى تەگٸن ۆاكتسينانىڭ تيەسٸلٸ دوزانى ەمٸن-ەركٸن سالدىرا الادى», - دەدٸ الەكسەي تسوي.
