قر دەنساۋلىق ساقتاۋ مينيسترٸ الەكسەي تسوي الداعى ەكٸ ايداعى كۆي سىرقاتتانۋ كٶرسەتكٸشٸنە بولجام جاسادى, دەپ حابارلايدى "ۇلت اقپارات".
«دٷنيەجٷزٸلٸك دەنساۋلىق ساقتاۋ ۇيىمىنىڭ مەلٸمەتٸ بويىنشا, سوڭعى تٶرت اپتادا ددسۇ-نىڭ التى ايماعىنىڭ بەسەۋٸندە ينفەكتسييا 80%-عا نەمەسە ەكٸ ەسە ارتقان. بۇل ٶسۋدٸڭ باسىم بٶلٸگٸ قازٸرگٸ ۋاقىتتا 132 ەلدە تابىلعان اسا جۇقپالى دەلتا نۇسقاسىنان تۋىندايدى. دەلتا شتامىنىڭ العاش رەت ەلوردادا انىقتالعانىن جەنە سىرقاتتانۋدىڭ كٷرت ٶسۋٸنە ەكەلگەنٸن ەسكەرە وتىرىپ, نۇر-سۇلتان قالاسىنداعى سىرقاتتانۋ ديناميكاسىن زەرتتەدٸك جەنە سوڭعى ەكٸ اپتادا اۋرۋ كٶرسەتكٸشٸ بٸر دەڭگەيدەن اسپاعانىن بايقادىق», - دەدٸ مينيستر ٷكٸمەتتٸڭ بٷگٸنگٸ وتىرىسىندا.
ونىڭ سٶزٸنە سەنسەك, سوڭعى اپتادا جەدەل جەردەم شاقىرۋ كٶلەمٸ 11% ازايعان.
«تامىز-قىركٷيەك ايلارىنا جاسالعان ەپيدەميولوگييالىق بولجامعا سٷيەنسەك, قازاقستان وپتيميستٸك ستسەنارييمەن كەلە جاتىر. مۇندا بولجام بويىنشا تامىز-قىركٷيەك ايلارىندا شامامەن 250 مىڭ ناۋقاس تٸركەلەدٸ. كٷنٸنە ورتاشا ەسەپپەن 7 مىڭ ادام. وپتيميستٸك ستسەنارييدٸ ودان ەرٸ ۇزارتۋ كارانتين شارالارىن ساقتاپ, تيٸستٸ تۇرعىنداردى ۆاكتسينامەن قامتۋدى ارتتىرۋ كەزٸندە عانا مٷمكٸن بولادى», - دەپ تولىقتىردى مينيستر.
قازٸر قازاقستاندا تٷركٸستاننان باسقا قالالار مەن وبلىستاردىڭ بارلىعى "قىزىل ايماقتا" تۇر. ۆيرۋس ٶرشٸدٸ دەلٸنگەن "قانىق قىزىل" ايماقتا الماتى, شىمكەنت قالالارى, قاراعاندى جەنە اتىراۋ وبلىستارى تۇر. مينيستردٸڭ ايتۋىنشا, نۇر-سۇلتاندا ەپيدەميولوگييالىق احۋال تۇراقتانعان.
سونداي-اق, قازٸر قازاقستاندا ينفەكتسييالىق اۋرۋحانالارداعى ورىنداردىڭ - 56 پايىزى, رەانيماتسييا تٶسەكتەرٸنٸڭ 44 پايىزى بوس ەمەس. ەسٸرەسە, نۇر-سۇلتان, شىمكەنت قالالارىندا, اتىراۋ, اقمولا, ماڭعىستاۋ وبلىستارىندا ستاتسيونارلار تەز تولىپ بارادى.
سونىمەن بٸرگە, ەلٸمٸزدە ۆاكتسينا سالىنۋى تيٸس حالىقتىڭ 55 پايىزى ەكپە العان.
«حالىقتى كوروناۆيرۋس ينفەكتسيياسىنا قارسى ۆاكتسينالاۋ جۇمىستارى جالعاسۋدا. قازٸرگٸ ۋاقىتتا 9,4 ملن دوزا ۆاكتسينا قولدانىلعان. ونىڭ بٸرٸنشٸ كومپونەنتٸن 5 480 094 ادام سالعىزدى, بۇل ۆاكتسينا الۋى تيٸس حالىقتىڭ 55,4 پايىزىن قۇرايدى. ەكٸنشٸ كومپونەنتٸمەن 3 941 941 ادام نەمەسە تيٸستٸ حالىقتىڭ 39,8 پايىزى قامتىلدى», - دەدٸ مينيستر ٷكٸمەتتٸڭ بٷگٸنگٸ وتىرىسىندا.
مينيسترلٸك تاعى 4 ملن حالىق ٷشٸن قوسىمشا 8 ملن دوزا جەتكٸزۋگە كەلٸسٸمدەر ورناتتى. جەتكٸزۋ جۇمىستارى كەستەگە سەيكەس جٷرگٸزٸلەدٸ.
«وسىعان بايلانىستى رەسپۋبليكادا ۆاكتسينالاۋعا قولجەتٸمدٸلٸك جەتكٸلٸكتٸ كٶلەمدە قامتاماسىز ەتٸلگەن», - دەيدٸ تسوي.
