فوتو: باس كٶلٸك پروكۋراتۋراسى
تراسسالاردى دۇرىس كٷتٸپ-ۇستاماعانى ٷشٸن جول قىزمەتشٸلەرٸ جۇمىستان شىعارىلدى, دەپ حابارلايدى «ۇلت اقپارات» باس كٶلٸك پروكۋراتۋراسىنىڭ باسپاسٶز قىزمەتٸنە سٸلتەمە جاساپ.
كٶلٸك پروكۋراتۋراسى ورگاندارى قىس مەزگٸلٸندە حالىقارالىق جەنە رەسپۋبليكالىق ماڭىزى بار اۆتوموبيل جولدارىن كٷتٸپ-ۇستاۋ جٶنٸندەگٸ ۋەكٸلەتتٸ ورگاندار مەن ۇيىمداردىڭ قىزمەتٸن تۇراقتى باقىلايدى.
قاداعالاۋ ٸس-شارالارى بارىسىندا جولدى كٷتٸپ-ۇستاۋعا جاۋاپتى مەكەمەلەر ٶز قىزمەتتەرٸن تيٸستٸ دەڭگەيدە اتقارماعانى انىقتالدى.
مەسەلەن, سولتٷستٸك قازاقستان كٶلٸك پروكۋراتۋراسى "قازاۆتوجول" ۇك" اق جەنە "قاجسەرۆيس" جشس اۋماقتىق فيليالدارىندا قار تازالاۋ تەحنيكاسى مەن كٶكتايعاققا قارسى ماتەريالداردىڭ تاپشىلىعىن انىقتادى.
تەمپەراتۋرانىڭ كٷرت ٶزگەرۋٸ مەن قاردىڭ تٷسۋٸ كەزٸندەگٸ بۇل جاعداي سولتٷستٸك قازاقستان وبلىسىنىڭ رەسپۋبليكالىق جولدارىنداعى جول قوزعالىسىن قيىنداتىپ, جٷرگٸزۋشٸلەرگە قاۋٸپ تٶندٸردٸ.
شىمكەنت كٶلٸك پروكۋراتۋراسى دا تەكسەرٸس جٷرگٸزدٸ. نەتيجەسٸندە تٷركٸستان وبلىسىنىڭ رەسپۋبليكالىق جولدارىن كٷتٸپ ۇستاۋ ٷشٸن جول تەحنيكاسىنىڭ از ەكەنٸن انىقتاعان. نەتيجەسٸندە, ٶتكەن جىلدىڭ 12-15 جەلتوقسانى ارالىعىندا قارلى بوران مەن قار جاۋعان كەزدە كەشٸكتٸرٸلگەن تازالاۋ جۇمىستارى "شىمكەنت-تاراز" باعىتى بويىنشا كٶلٸك اعىنىن توقتاتىپ, 50-گە جۋىق اۆتوكٶلٸك جولدا "تۇرىپ قالدى".
انىقتالعان بۇزۋشىلىقتاردى جويۋ ٷشٸن پروكۋراتۋرا اۆتوموبيل جولدارىن باسقارۋ جٶنٸندەگٸ ۇلتتىق وپەراتورعا ۇسىنىمدار جولدادى.
پروكۋراتۋرانىڭ قاداعالاۋ اكتٸلەرٸنٸڭ بٸرٸ بويىنشا لاۋازىمدىق مٸندەتتەرٸن تيٸسٸنشە ورىنداماعانى ٷشٸن 11 قىزمەتكەرٸمەن جەنە "قاجسەرۆيس" جشس سولتٷستٸك قازاقستان وبلىستىق فيليالىنىڭ ديرەكتورىمەن ەڭبەك شارتتارى بۇزىلدى. تاعى بٸرەۋٸ بويىنشا – قىزمەت كٶرسەتەتٸن مەردٸگەرلەرگە 1,6 ملن تەڭگەدەن استام سوماعا ايىپپۇل سالىندى, - دەلٸنگەن حابارلامادا.
سونىمەن قاتار كٶلٸك پروكۋرورلارىنىڭ تەكسەرٸسٸنەن كەيٸن "قازاۆتوجول" ۇك" اق قوسىمشا 245 جول تەحنيكاسىن ساتىپ الاتىن بولدى. الداعى ۋاقىتتا ەل ٶڭٸرلەرٸنە تاراتىلادى.
