ترانسشەكارالىق ٶزەندەردە سۋدى ەدٸل بٶلۋ ٷشٸن كٶرشٸ ەلدەرمەن ىنتىماقتاستىقتى نىعايتۋ كەرەك. قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ وسىلاي دەدٸ, دەپ حابارلايدى قازاقپارات.
«سۋ رەسۋرستارىن باسقارۋ سالاسىنا بايلانىستى مىنا مەسەلەلەرگە نازارلارىڭىزدى اۋدارعىم كەلەدٸ. بٸرٸنشٸدەن, ترانسشەكارالىق ٶزەندەردەگٸ سۋ دەڭگەيٸنٸڭ ازايۋ قاۋپٸ بار. ورتاشا كٶپ جىلدىق سۋ اعىنى 100 تەكشە شاقىرىمدى قۇرايدى. ونىڭ ٸشٸندە 44 پايىزى كٶرشٸ ەلدەردەن كەلەدٸ. سۋ تاپشىلىعىن بولدىرماۋ ٷشٸن بٸزگە قىتايدان اعاتىن ترانسشەكارالىق ٶزەندەردە سۋ بٶلۋدٸ ەدٸل جەنە ٶزارا تيٸمدٸ كەلٸسٸم قۇرىپ, سونداي-اق ورتالىق ازييا ەلدەرٸمەن (ٶزبەكستان, قىرعىزستان, تەجٸكستان) جەنە رەسەي فەدەراتسيياسىمەن ەكٸ جاقتى ىنتىماقتاستىقتى نىعايتۋ كەرەك», - دەدٸ مينيستر وكق-دا ٶتكەن باسپاسٶز مەسليحاتىندا.
ونىڭ ايتۋىنشا, تيٸستٸ ەكٸ جاقتى كوميسسييالار جۇمىس ٸستەپ, كەلٸسسٶزدەر تۇراقتى نەگٸزدە جٷرگٸزٸلۋدە.
«ىسىراپ بوپ جاتقان سۋ مٶلشەرٸن ازايتۋ ٷشٸن ارنالاردى جٶندەۋ جەنە سۋ رەسۋرستارىن اۆتوماتتى تٷردە باسقارۋدى ەنگٸزۋ تالاپ ەتٸلەدٸ. وسىلاي, ەگٸسكە دەيٸن تاسىمالداۋ كەزٸندە سۋ ىسىرابىن ازايتۋ ماقساتىندا گيدرومەليوراتيۆتٸك جٷيەلەردٸ قايتا قۇرۋ ٸس-شارالارى بەلسەندٸ تٷردە جٷرگٸزٸلۋدە», - دەدٸ ول.
ماعزۇم مىرزاعاليەۆ ەلٸمٸزدەگٸ ٸشكٸ جەنە سىرتقى سۋ قاۋٸپسٸزدٸگٸن ەسكەرە وتىرىپ, سۋ رەسۋرستارىن باسقارۋدىڭ 2020-2030 جىلدارعا ارنالعان مەملەكەتتٸك باعدارلاماسىن جەنە سۋ سالاسىن تسيفرلاندىرۋ تۇجىرىمداماسىن ەزٸرلەۋ جۇمىسى باستالعانىن ايتادى. باعدارلامانى كەلەسٸ جىلى بەكٸتۋ جوسپارلانىپ وتىر.
