فوتو: ريا نوۆوستي
اقش رەسەيدٸڭ ۋكرايناعا جاساعان جاڭا شابۋىلدارىنان كەيٸن — سالدارىنان جەتٸ ادام, ونىڭ ٸشٸندە ەكٸ بالا قازا تاپقاننان سوڭ — رەسەيدٸڭ ٸرٸ مۇناي كومپانييالارى «روسنەفت» پەن «لۋكويلعا» قارسى قاتاڭ سانكتسييالار ەنگٸزدٸ, دەپ حابارلايدى Ult.kz.
مينيسترلٸك مەلٸمەتٸنشە, شەشٸم مەسكەۋدٸڭ «بەيبٸت كەلٸسسٶزدەرگە شىنايى دايىن ەمەستٸگٸمەن» بايلانىستى قابىلدانعان. سانكتسييالار اتالعان كومپانييالاردى امەريكالىق قارجى جٷيەسٸنەن وقشاۋلاپ, دوللارمەن كەز كەلگەن وپەراتسييا جٷرگٸزۋگە تىيىم سالادى. بۇل شەكتەۋلەردٸ بۇزعاندارعا, سونىڭ ٸشٸندە شەتەلدٸك بانكتەرگە دە, قاتاڭ جازالاۋ شارالارى قاراستىرىلعان.
پرەزيدەنت دونالد ترامپ بۇل شەشٸمدٸ «اسا ماڭىزدى قادام» دەپ اتاپ, «ەگەر سوعىس توقتاسا, سانكتسييالار ۇزاققا سوزىلمايدى» دەگەن ٷمٸت بٸلدٸردٸ.
بۇل شەشٸم كەلەسٸ اپتادا ۆەنگرييادا ٶتۋٸ تيٸس بولعان ترامپ پەن پۋتيننٸڭ كەزدەسۋٸ بولمايتىن بولعاننان كەيٸن قابىلداندى. اق ٷي دەرەككٶزٸ حابارلاعانداي, ۆاشينگتون كەلٸسسٶزدٸ «ۋاقىتى كەلمەگەن» دەپ ەسەپتەگەن, سەبەبٸ مەسكەۋ مەن كيەۆ اراسىنداعى پروگرەسس بايقالماعان. سامميتتٸڭ توقتاتىلۋى اقش پەن رەسەي اراسىنداعى قاتىناستاردىڭ جاڭا كەزەڭٸن بٸلدٸرەدٸ.
بۇعان دەيٸن ترامپ اتىستى توقتاتۋ باستاماسىن قولدايتىنىن مەلٸمدەگەن, الايدا مەسكەۋ بۇل ۇسىنىسقا كەلٸسپەگەن. The Washington Post-تىڭ حابارلاۋىنشا, «روسنەفت» پەن «لۋكويلعا» سالىنعان بۇل سانكتسييالار — ترامپتىڭ ەكٸنشٸ پرەزيدەنتتٸك مەرزٸمٸندەگٸ رەسەيگە قارسى العاشقى ٸرٸ شارا.
پۋبليتسيست ۆيتاليي پورتنيكوۆتىڭ پٸكٸرٸنشە, ترامپ سوعىستى توقتاتۋ ٷشٸن زەلەنسكيي مەن پۋتينگە قىسىم كٶرسەتۋدە. ول اقش باسشىسى كرەملگە «ەرەكشە شارتتارمەن» بٸتٸم ۇسىنۋعا تىرىسىپ وتىر دەپ سانايدى. ەگەر پۋتين كەلٸسٸمگە كەلمەسە, ۆاشينگتون ۋكرايناعا Tomahawk سەكٸلدٸ الىس قاشىقتىقتاعى زىمىراندار بەرۋدٸ قاراستىرۋى مٷمكٸن. پورتنيكوۆتىڭ ايتۋىنشا, بۇل قادام جاڭا ٸرٸ قاقتىعىستىڭ باستالۋىنا سەبەپ بولۋى عاجاپ ەمەس.
