اقش پرەزيدەنتٸ دونالد ترامپ ورمۋز بۇعازىنىڭ اتاۋىن ٶزٸنٸڭ قۇرمەتٸنە ٶزگەرتۋدٸ ۇسىندى, دەپ حابارلايدى ult.kz.
«ەندٸ بٸز ونى اقش رەتٸندە باقىلاۋىمىزعا العان سوڭ, ورمۋز بۇعازىن ترامپ بۇعازى دەپ اتاعانىمىز جٶن بە??? امەريكانىڭ ٶزٸ سيياقتى, ول بۇرىنعىدان دا «ىستىعىراق» بولادى!», دەپ جازدى ترامپ Truth Social جەلٸسٸندەگٸ پاراقشاسىندا.
بۇعان دەيٸن اقش پرەزيدەنتٸ ورمۋز بۇعازى بەينەلەنگەن كارتالاردى بٸرنەشە رەت جارييالاپ, وندا بۇعاز اۋماعىن اقش تەرريتوريياسى رەتٸندە كٶرسەتكەن ەدٸ.
اقش ەسكەرٸ 1 قىركٷيەكتە يرانداعى ەۋە شابۋىلىنا قارسى قورعانىس جٷيەلەرٸنە, راديولوكاتسييالىق جٷيەلەرگە, تەڭٸز نىساندارىنا, مينا قوندىرعىلارى مەن بايلانىس نىساندارىنا سوققى بەرگەنٸن مەلٸمدەدٸ. يران تاراپى ورمۋز بۇعازى ماڭىنداعى بٸرنەشە نىساناعا سوققى جاسالعانىن حابارلادى, دەپ جازادى Reuters.
يران بيلٸگٸنٸڭ ٶكٸلدەرٸ اقش سوققىلارىنىڭ بٸرٸ سيريك اۋدانىنداعى ٷيگە تيگەنٸن مەلٸمدەدٸ. ولاردىڭ ايتۋىنشا, سول كەزدە ٷيدە ٷيلەنۋ تويى ٶتٸپ جاتقان.
2 قىركٷيەكتە يراننىڭ ەسكەري قولباسشىلىعى اقش-تىڭ باحرەين, يوردانييا, كۋۆەيت جەنە يراكتاعى نىساندارىنا سوققى بەرگەنٸن مەلٸمدەدٸ. يران تاراپىنىڭ ايتۋىنشا, ەندٸگٸ ماقسات – اقش-تىڭ تاياۋ شىعىستا ونداعان جىل بويى ۇستاپ كەلگەن كەڭ اۋقىمدى ەسكەري بازالار جەلٸسٸنەن امەريكالىق ەسكەريلەردٸ ىعىستىرۋ.
يران تاراپى شابۋىلدار كەزٸندە يوردانيياداعى جەنە يراكتىڭ سولتٷستٸگٸندەگٸ امەريكالىق ەسكەري بازادا بٸرنەشە اقش ەسكەري قىزمەتكەرٸنٸڭ قازا تاپقانىن حابارلادى. سونىمەن قاتار ورمۋز بۇعازى ارقىلى ٶتٸپ بارا جاتقان كەزدە امەريكالىق پەرسونال باسقاراتىن ەكٸ تانكەر ميناعا ۇشىراعان.
ورمۋز بۇعازىنىڭ جاعالاۋى ٷش مەملەكەتكە تيەسٸلٸ. ونىڭ سولتٷستٸك جاعالاۋىن تولىقتاي يران باقىلايدى, ال وڭتٷستٸك بٶلٸگٸ ومان مەن بٸرٸككەن اراب ەمٸرلٸكتەرٸ اراسىندا بٶلٸنگەن.
ايتا كەتەيٸك, ٶتكەن اپتادا كانادامەن اراداعى شيەلەنٸس اياسىندا دونالد ترامپ ونتاريو كٶلٸنٸڭ اتاۋىن «امەريكا كٶلٸ» دەپ ٶزگەرتۋ تۋرالى جارلىققا قول قويعان. ال 2025 جىلدىڭ قاڭتارىندا ول مەكسيكا شىعاناعىن «امەريكا شىعاناعى» دەپ اتاۋدى ەنگٸزگەن ەدٸ.
