اقش پرەزيدەنتٸ دونالد ترامپ ەلدەگٸ كينويندۋسترييا داعدارىسقا ۇشىراعانىن ايتىپ, جەرگٸلٸكتٸ كينوستۋدييالارعا سالىقتىق جەڭٸلدٸكتەر ەنگٸزۋدٸ ۇسىندى, دەپ حابارلايدى ult.kz ريا نوۆوستي-گە سٸلتەمە جاساپ.
ترامپ بۇل باستامانى «وسكار» سىيلىعىنىڭ يەگەرٸ, اكتەر دجون ۆويتپەن كەزدەسۋدە تالقىلاعان. بۇعان دەيٸن اقش پرەزيدەنتٸ ۆويتتى گولليۆۋد مەسەلەلەرٸ جٶنٸندەگٸ ارنايى ٶكٸلٸ ەتٸپ تاعايىنداعان بولاتىن.
«گولليۆۋد – تولىق جەنە ابسوليۋتتٸ كٷيرەۋ جاعدايىندا. اتاۋى دٷركٸرەپ تۇرعانىمەن, وندا ٸس جٷزٸندە جۇمىس جوق. كينو ٶندٸرٸسٸ كاناداعا جەنە باسقا ەلدەرگە كٶشٸپ جاتىر, ال اقش-تا تٷسٸرٸلٸمدەر ٶتە از جٷرگٸزٸلەدٸ», – دەدٸ دونالد ترامپ.
ونىڭ ايتۋىنشا, دجون ۆويت پەن كينويندۋسترييانىڭ باسقا دا ٶكٸلدەرٸ امەريكالىق كينو ٶندٸرٸسٸن قايتا جانداندىرۋ ٷشٸن فەدەرالدىق دەڭگەيدە سالىقتىق ىنتالاندىرۋ شارالارىن ەنگٸزۋدٸ ۇسىنىپ وتىر.
اقش پرەزيدەنتٸ كينوستۋدييالاردىڭ جاپپاي شەتەلگە كٶشۋٸ كاليفورنييا مەن باسقا دا شتاتتاردىڭ ەكونوميكاسىنا ايتارلىقتاي زييان كەلتٸرٸپ جاتقانىن اتاپ ٶتتٸ.
ترامپ بۇل مەسەلە بويىنشا كونگرەسستەگٸ ەكٸ پارتييانىڭ دا كٶشباسشىلارىمەن كونسۋلتاتسييالار ٶتكٸزۋدٸ جوسپارلاپ وتىر. ول سالىقتىق جەڭٸلدٸكتەرگە جۇمسالعان بيۋدجەت قاراجاتى جاڭا جۇمىس ورىندارىنىڭ اشىلۋى مەن فەدەرالدىق بيۋدجەت كٸرٸستەرٸنٸڭ ارتۋى ەسەبٸنەن «ون ەسەگە ٶتەلەتٸنٸنە» سەنٸم بٸلدٸردٸ.
