اقش پرەزيدەنتٸ دونالد ترامپ مەملەكەت باسشىسى بولىپ سايلانۋىنا بايلانىستى 5 ملرد دوللاردان ايىرىلعانىن ايتتى, دەپ حابارلايدى NBC تەلەارناسى.
ترامپ بيزنەسمەندٸك مانسابىن توقتاتقالى بەرٸ الا الماي قالعان تابىستارىن, سونداي-اق ٶزٸنە بٸلدٸرٸلگەن شاعىمدارمەن اينالىسقان ادۆوكاتتارعا كەتكەن قاراجاتتاردى وسىلاي باعالاعان.
«پرەزيدەنت بولۋىما بايلانىستى شامامەن ٷش-بەس ميلليارد دوللاردان ايىرىلدىم. بٸراق ماعان بەرٸبٸر, مەنٸ ول قىزىقتىرمايدى. پرەزيدەنت بولعانىمنىڭ ٶزٸ مەن ٷشٸن باق-دەۋلەت», - دەدٸ ترامپ.
NBC تەلەارناسىنىڭ حابارلاۋىنشا, ترامپتىڭ وسىنشاما قارجىدان ايىرىلىپ وتىرعانىن انىقتاۋ مٷمكٸن ەمەس. ايتا كەتەيٸك, Forbes جۋرنالىنىڭ ناۋرىز ايىنداعى دەرەگٸ بويىنشا, ترامپ اكتيۆتەرٸنٸڭ جيىنتىق قۇنى شامامەن 3,1 ملرد دوللاردىڭ اينالاسىندا.
