قر مەملەكەتتٸك حاتشىسى قىرىمبەك كٶشەرباەۆ عۇرىپتىق رەسٸمدەردٸ زاڭمەن رەتتەۋمەن اينالىساتىن جۇمىس توبىن قۇرۋدى ۇسىندى, دەپ حابارلايدى قازاقپارات.
ونىڭ ايتۋىنشا, بٷگٸنگٸدەي كٷردەلٸ كەزەڭدە حالىق بولىپ كەڭەسٸپ, جۇرت بولىپ بەتۋالاساتىن كەلەلٸ مەسەلەلەر از ەمەس.
«بٸزدٸڭ قوعامىمىز جاڭارعان سوڭ ۇستاناتىن سالت-دەستٷرلەرٸمٸز دە ٶزگەرۋگە تيٸس. ەلدٸ كەرٸ تارتاتىن جاعىمسىز قاسيەتتەردەن تەزدەتٸپ ارىلۋىمىز كەرەك. مىسالى, قازاقتىڭ تويى ەسەپسٸز شىعىننىڭ ەمەس, شىنايى شاتتىقتىڭ كٶرٸنٸسٸنە اينالۋعا تيٸس. بارىمىزدى شاشىپ-تٶگٸپ, قارىزدانىپ توي مەن باسقا جيىن ٶتكٸزەتٸن ەدەتتەن ارىلۋىمىز قاجەت. ىسىراپشىلدىق پەن داڭعازالىق قوعامنىڭ دا, ادامنىڭ دا ابىرويىن تٶگەدٸ. سوندىقتان كەيبٸر مەسەلەلەردٸ زاڭدى جولمەن رەتتەۋدٸڭ كەزٸ كەلدٸ دەپ ويلايمىن. ال جاۋاپسىزدىق پەن نەمقۇرايدىلىق بٷكٸل ەلدٸ قاسٸرەتكە ۇشىراتادى», - دەدٸ ول.
ونىڭ ايتۋىنشا, بەكٸتٸلگەن سانيتارلىق تالاپتاردى بۇزىپ, جاسىرىن توي جاساپ, قۇدالىق ٶتكٸزٸپ, اس بەرٸپ جاتقان وقيعالاردىڭ ارتى ورنى تولماس ٶكٸنٸشكە ەكەپ سوقتىرۋدا.
«كٶرشٸ ەلدەردە تۋعاننان ٶلگەنگە دەيٸنگٸ ورىندالاتىن سالت-دەستٷر, (توي, اس, جانازا ت.ب) ەدەت-عۇرىپ رەسٸمدەرٸن زاڭمەن رەتتەپ قويعاندىقتان حالىق قويىلعان تالاپتى قالىپتى تٷردە قابىلدايدى. بٸز نە ٸستەۋٸمٸز كەرەك? الداعى ۋاقىتتا كٶپشٸلٸكپەن كەڭەسە كەلە, بٸز دە كٶرشٸ ەلدەردٸڭ ٷلگٸسٸ بويىنشا عۇرىپتىق رەسٸمدەردٸ زاڭمەن رەتتەۋ شارالارىن قولعا الاتىن ۋاقىت جەتتٸ دەپ ويلايمىز. سوندىقتان, دٷنيەجٷزٸلٸك پاندەمييا تۇسىندا جەنە ودان كەيٸنگٸ كەزەڭدە عۇرىپتىق رەسٸمدەردٸ زاڭمەن رەتتەۋ شارالارى بويىنشا زييالى قاۋىم مەن قوعام قايراتكەرلەرٸ, وسى سالامەن اينالىساتىن زاڭگەرلەردەن قۇرالعان جۇمىس توبىن قۇرۋدى ۇسىنامىز», - دەدٸ مەملەكەتتٸك حاتشى.
بۇل توپ كٶرشٸ ەلدەردٸڭ تەجٸريبەسٸن زەرتتەپ, حالىقتىڭ وي-پٸكٸرٸن زەردەلەپ جەنە قاجەت بولعان جاعدايدا تيٸستٸ نورماتيۆتٸك-قۇقىقتىق اكتٸنٸڭ جوباسىن ەزٸرلەۋمەن اينالىساتىن بولادى.
