31 تامىز كٷنٸ ۇيىمداستىرىلعان Tour of Almaty-2019 ۆەلودوداسى اياقتالدى. ەكٸ كٷنگە جالعاساتىن جارىس ٷشٸنشٸ جىل قاتارىنان جالعاسىن تاپتى. بٸرٸنشٸ كەزەڭ «يندۋستريالدى پاركتە» ٶتٸپ, 118 شاقىرىمعا سوزىلدى. العاشقى كەزەڭ جەڭٸمپازى – CCC Development Team كومانداسىنىڭ شاباندوزى پاتريك شتوح.
ەكٸنشٸ تاۋلى كەزەڭدە شاباندوزدار 160 شاقىرىم جٷردٸ. بۇل كەزەڭ Tour of Almaty جارىسىنىڭ بەت-بەينەسٸنە اينالدى. «حالىق ارەنادان» باستاۋ العان ەكٸنشٸ كەزەڭ شىعىس اينالما جولى ارقىلى ٶتٸپ, ەل-فارابي داڭعىلىنا كەلدٸ. سوسىن مۇستافين كٶشەسٸنٸڭ ماڭىنداعى اينالما جولدان حاليلين كٶشەسٸندەگٸ كٷرمەۋگە جەتتٸ. 4,5 اينالىمنان سوڭ پەلوتون تۇڭعىش پرەزيدەنت ساياباعىنان «مەدەۋ» مۇز ايدىنىنا قاراي فينالدىق بٶلٸمگە ۇلاستى.
جارىس بارىسىندا شاباندوزدار بٸرنەشە مەرتە شابۋىلدار جاساپ, قىزۋ بەسەكەگە تٷستٸ. سونىڭ ەڭ ماڭىزدى تۇسى مەرەگە 2 شاقىرىم قالعاندا ورىن الدى. Astana Pro Team شاباندوزى يۋريي ناتاروۆ, Gazprom-RusVelo شاباندوزى نيكولاي چەركاسوۆ, Amore&Vita-Prodir كومانداسىنىڭ ٶكٸلٸ دانيلو چەلانو - ٷشەۋٸ نەگٸزگٸ توپتان سۋىرىلىپ العا شىقتى. وسى ٷشتٸك جٷلدەلەردٸ ساراپقا سالدى.
چەلانو ەكٸنشٸ كەزەڭنٸڭ جەڭٸمپازى اتانسا (3:51:57), چەركاسوۆ – ەكٸنشٸ كەلدٸ (+0,01). ال ناتاروۆ ٷشٸنشٸ كەلگەنٸمەن (+0,04) بٸر كٷن بۇرىنعى جاپپاي سپرينتتەگٸ ۋاقىتىنىڭ ارقاسىندا جالپى جارىستىڭ جەڭٸمپازى اتاندى. وتانداسىمىز Gazprom-RusVelo كومانداسىنىڭ مىقتىسى الەكساندر ۆلاسوۆتان 26 سەكۋندقا, ال چەلانودان 38 سەكۋندقا باسىم تٷستٸ.
