فوتو: تجم
تٶتەنشە جاعدايلار مينيسترٸ گەنەرال-مايور شىڭعىس ەرٸنوۆ باتىس قازاقستان وبلىسىنداعى جۇمىس ساپارىن اياقتاپ, ٶڭٸردٸڭ كٶكتەمگٸ سۋ تاسقىنىنا دايىندىعىن تەكسەردٸ, دەپ حابارلايدى مينيسترلٸكتٸڭ باسپاسٶز قىزمەتٸ.
ينسپەكتسييانىڭ ەكٸنشٸ كٷنٸ اياسىندا ۆەدومستۆو باسشىسى بٶرلٸ اۋدانىنا بارىپ, سۋ تاسقىنى قاۋپٸ بار ۋچاسكەلەردٸ, سالىنعان بٶگەندەردٸڭ ۇزىندىعى مەن بەرٸكتٸگٸن, سونداي-اق تەز سالىناتىن باستيونداردى قاراپ شىقتى.
سۋ تاسقىنى كەزەڭٸنٸڭ سالدارىن بولدىرماۋ ٷشٸن مونتاجداۋ-قۇرىلىس ٸس-شارالارىن قوسا العاندا, بٸرقاتار كٷردەلٸ جەنە اۋقىمدى جۇمىستار جٷرگٸزٸلدٸ. سۋ تاسقىنىنا قارسى بارلىق شارا ۋاقتىلى جەنە تولىق كٶلەمدە جٷزەگە اسىرىلۋى ماڭىزدى, — دەپ شىڭعىس ەرٸنوۆ اتاپ ٶتتٸ.
مينيستر جەرگٸلٸكتٸ قىزمەتتەرگە قاۋٸپتٸ ايماقتارعا ەرەكشە نازار اۋدارا وتىرىپ, سۋ تاسقىنىنا دايىندىقتى جەدەل اياقتاۋدى تاپسىردى.
ايتا كەتەلٸك قانات بوزىمباەۆ قاراعاندى وبلىسىنىڭ سۋ تاسقىنى كەزەڭٸنە دايىندىعىن تەكسەرگەن ەدٸ.
