بٷكٸل ەلەمدٸ دٷرلٸكتٸرگەن COVID-19 كوروناۆيرۋس دەرتٸ قازاقستانعا دا جەتٸپ, مەشٸتتەردە ناماز وقىماۋعا, كٶپشٸلٸك جٷرەتٸن ورتالاردا بولماۋعا, ٸرٸ ساۋدا ورتالىقتارى مەن تويحانا, رەستورانداردىڭ جۇمىسىن ۋاقىتشا توقتاتۋعا مەجبٷر بولدىق. ونىسىمەن قويماي, جۇقپالى دەرتتٸڭ بەلگٸلەرٸ انىقتالعان ادام سانى كٷن سايىن ارتىپ بارا جاتقاندىقتان ەل بيلٸگٸ 16 ناۋرىزدان 15 سەۋٸرگە دەيٸن ەلدە كوروناۆيرۋسقا بايلانىستى تٶتەنشە جاعداي جارييالاۋعا مەجبٷر بولدى.
«ۇلت» پورتالى وسى تٶتەنشە جاعداي كەزٸندەگٸ قازاقستان مەشٸتتەرٸ نە ٸستەپ جاتقانىنا شولۋ جاساپ كٶردٸ. 16 ناۋرىزدان باستاپ تٶتەنشە جاعداي ەنگٸزٸلگەنگە دەيٸن ەلٸمٸزدەگٸ بارلىق مەشٸتتەردە تازالىق جۇمىستارى, ارنايى زالالسىزداندىرۋ (دەزينفەكتسييا) جۇمىستارى جٷرگٸزٸلٸپ, مەديتسينالىق تازارتقىش قۇرالدارى ورناتىلدى. بارلىق جەرلەر حلورلانىپ, دەكەمەن ورالدى, سۇيىق سۋ سابىندار بەلگٸلەنگەن جەرلەرگە قويىلدى. ال تٶتەنشە جاعدايدان باستاپ, مەشٸتتەردەگٸ جاعدايلار قالاي ٶربٸدٸ?
الدىمەن حورنولوگييالىق تٸزٸممەن تٸزەتٸن بولساق:
16 ناۋرىز
الدىمەن ورال ورتالىق مەشٸتٸ زالالسىزداندىرۋ (دەزينفەكتسييا) جۇمىستارىن جٷرگٸزەتٸن ارنايى مامانداردى شاقىرىپ, مەشٸت قىزمەتكەرلەرٸنە كەڭەستەرٸن جەتكٸزٸپ, تازالىق پەن قاۋٸپسٸزدٸك شارالارى كٷشەيتتٸ. قمدب-نىڭ بقو-داعى باس يمامى م.قىستاۋباەۆ وبلىستىق مەشٸتتەن باستاۋ العان دەل وسىنداي زالالسىزداندىرۋ شارالارى قاللالىق, اۋداندىق مەشٸتتەردە دە جالعاسىپ جاتقانىن اتاپ ٶتتٸ.
دەل وسى كٷنٸ الماتى قالالىق مەشٸتتەرٸندە قاجەتتٸ دەزينفەكتسييالىق شارالار جٷرگٸزٸلٸپ, عيباداتحانانىڭ ٸشٸ تولىعىمەن زالالسىزداندىرىلدى.
سونداي-اق, اتىراۋ وبلىسىندا دا مەشٸتتەردٸ زالالسىزداندىرۋ جۇمىستارى قارقىندى تٷردە جٷردٸ. اتاپ ايتاندا, اتىراۋ وبلىستىق ورتالىق «يمانعالي» مەشٸتٸنەن باستاپ, ايماقتاعى بارلىق مەشٸتتەردە جاپپاي زالالسىزداندىرۋ جۇمىستارى جٷرگٸزٸلدٸ.
اتىراۋ وبلىسىنىڭ باس يمامى التىنبەك ۇتىسحانۇلى قالىپتاسقان احۋالعا وراي, سانيتارلىق تازالىق جۇمىستارى ەندٸ اتىراۋ مەشٸتتەرٸندە ٷزدٸكسٸز جٷرگٸزٸلەتٸنٸن اتاپ ٶتتٸ.
اقتٶبە وبلىسى دا قىزۋ جۇمىسقا دەل وسى كٷنٸ كٸرٸستٸ. قالالىق, اۋداندىق, اۋىلدىق مەشٸتتەردٸڭ يمامدارى ٷندەۋدٸ جەرگٸلٸكتٸ جاماعاتقا جەتكٸزٸپ, رەتٸمەن تٷسٸندٸرٸپ, بٸرقاتار ساقتىق شارالارىنا مەن بەرۋگە شاقىردى.
«نۇر عاسىر» مەشٸتٸ, اقتٶبە قالالىق ورتالىق مەشٸتٸندە, «باقىتجان» جەنە «نۇردەۋلەت» مەشٸتتەرٸندە, مۇعالجار اۋداندىق ورتالىق «نۇرتاي» جەنە ەمبٸ قالالىق «نۇر» مەشٸتتەرٸندە, وبلىستاعى باسقا دا مەشٸتتەردە قاجەتتٸ دەزينفەكتسييالىق شارالار جٷرگٸزٸلٸپ, عيباداتحانانىڭ ٸشٸ تولىعىمەن زالالسىزداندىرىلدى.
اتالعان ايماقتىڭ باس يمامى ت.وسپان قازاقستان دٸني مۇسىلماندارى باسقارماسىنىڭ ٷندەۋٸنە تولىقتاي قوسىلىپ, تٶتەنشە جاعدايدان شىققانشا ايماقتاعى جاعدايدى باقىلاۋعا الاتىنىن اتاپ ٶتتٸ.
17 ناۋرىز
قازاقستان مۇسىلماندارىنىڭ دٸني باسقارماسىنىڭ باس عيماراتىندا دا تولىقتاي دەزينفەكتسييالىق جۇمىستار جٷرگٸزٸلٸپ, نىساننىڭ كٸرە بەرٸسٸ مەن دەلٸزدەرٸنە انتيسەپتيكالىق قۇرىلعىلار ورناتىلدى.
دەل وسى كٷنٸ سولتٷستٸك قازاقستان وبلىسىنداعى مەشٸتتەر دە سانيتارلىق رەجيمدٸ كٷشەيتتٸ. تەرتٸپتەر قاتاڭ ەسكەرٸلۋٸ ٷشٸن قىزىلجار ٶڭٸرٸندەگٸ بارلىق مەشٸتٸندە جاماعاتقا تٷسٸندٸرۋ جۇمىستارى جٷرگٸزٸلٸپ, جادىناما پاراقشالارى جابىستىرىلدى. سونىمەن قاتار وبلىستىق ورتالىق مەشٸتتەن باستاپ, اۋدان مەن اۋىلدارداعى مەشٸتتەردە زالالسىزداندىرۋ ٸس-شارالارى قولعا الىندى. عيماراتتارداعى ناماز وقۋ زالدارىنان باستاپ, اسحانا, دەلٸزدەر, دەرەت بٶلمەلەرٸ مەن بارلىق ەسٸك-تەرەزەلەر ارنايى ەرٸتٸندٸ قوسىلعان سۋمەن جۋىلىپ, تازارتىلدى.
جامبىل وبلىسىنىڭ ورتالىق «ھيباتۋللا تارازي» مەشٸتٸ, ەيەلدەر نامازحاناسى جانىندا ورنالاسقان «ھيباتۋللا تارازي» مەدرەسەسٸ تولىقتاي ارنايى اپپاراتتارمەن زالالسىزداندىرىلدى.
20 ناۋرىز
قازاقستان مۇسىلماندارى دٸني باسقارماسىنىڭ پاۆلودار وبلىسى بويىنشا ٶكٸلدٸگٸ «مەشھٷر جٷسٸپ» مەشٸتٸندە ەلٸمٸزدەگٸ تٶتەنشە جاعدايعا بايلانىستى دۇعا جاساپ, قۇربان شالدى.
پاۆلودار وبلىسىنىڭ باس يمامى جولداس قوسپاقۇلى باستاعان قالالىق مەشٸت يمامدارى بٷكٸل ەلەمدٸ الاڭداتىپ وتىرعان COVID-2019 جۇقپالى ٸندەتٸنە قاتىستى اللا تاعالادان حالقىمىزدىڭ اماندىعى مەن تىنىشتىعىن تٸلەپ دۇعا جاسادى. سونداي-اق, «قاريلار دايارلاۋ ورتالىعى» مەدرەسەسٸنٸڭ شەكٸرتتەرٸ تٷسٸرگەن قۇرانعا حاتىم وقىلىپ, دۇعا باعىشتالدى.
ال بۇل كٷنٸ اقتٶبە وبلىستىق ورتالىق «نۇر عاسىر» مەشٸتٸندە ٶڭٸردٸڭ ەيەل-قىزدار سەكتورى يگٸ ٸس-شارا قولعا الدى. اتاپ ايتقاندا, سەكتور جەتەكشٸسٸ كەنجەگٷل قوشقاروۆانىڭ ۇيىمداستىرۋىمەن مەشٸت جانىنداعى ەيەلدەر دٸني ساۋات اشۋ كۋرسى شەكٸرتتەرٸ بەتپەردە (ماسكا) تٸگۋدٸ باستاعان. بەتپەردەلەردٸڭ العاشقى 150 داناسى اقتٶبە قالاسى تۇرعىندارىنا تەگٸن تاراتىلدى.
23 ناۋرىز
«زەكەت قورى» شىعىس قازاقستان وبلىستىق «حاليفا التاي» مەشٸتٸنٸڭ اتىنان قايىرىمدىلىق شاراسىن جاسادى. «بٸز بٸرگەمٸز» اكتسياسى اياسىندا مۇقتاج وتباسىلارعا قول ۇشىن بەرۋ ماقساتىندا جاسالدى. قايىرىمدىلىق شاراسىنا ٶسكەمەن قالاسىندا تۇراتىن تۇرمىسى تٶمەن 50 وتباسى قامتىلدى.
دەل وسى كٷنٸ قازاقستان مۇسىلماندارى دٸني باسقارماسىنىڭ تٶراعاسى, باس مٷفتي ناۋرىزباي قاجى تاعانۇلى حازرەتتٸڭ جاساعان ٷندەۋٸنە ٷن قوسۋ ماقساتىندا, الماتى قالاسىنىڭ باس يمامى ەركٸنبەك شوقاي جەنە قالا يمامدارى قۇران حاتىم وقىپ, ەلٸمٸزدٸڭ اماندىعى مەن تىنىشتىعى ٷشٸن دۇعا تٸلەدٸ.
24 ناۋرىز
بۇل كٷنٸ اقتٶبەدەگٸ بەتپەردە (ماسكا) تٸگۋ شاراسى اقتاۋ قالاسىندا جالعاسىن تاپتى. اقتاۋ قالالىق «بەكەت اتا» مەشٸتٸندە وبلىستىق «ەيەل-قىزدار» سەكتورى ٶكٸلدٸگٸنٸڭ ۇيىمداستىرۋىمەن قولعا الىن يگٸ ٸستە ساپالى ماتادان كەسٸبي تٷردە تٸگٸلگەن بەتپەردەلەر اقتاۋ مەشٸتٸنٸڭ قىزمەتكەرلەرٸن تولىق قامتىپ وتىر.
باتىس قازاقستان وبلىستىق ورتالىق مەشٸتٸنڭ ەسٸكتەرٸنٸڭ تۇتقاسى اق دەكەمەن ورالدى. ورال قالاسىنداعى مەدرەسە شەكٸرتتەرٸ دە ونلاين وقۋعا كٶشكەن. قمبد پەتۋاسىنا سەيكەس, مەشٸت جانىنداعى اسحانالاردا ٶتەتٸن قۇدايى اس, ساداقالار, مارقۇم بولعان ادامنىڭ جەتٸسٸ, قىرقى, جىلىنٶتكٸزۋ تەرٸزدٸ دەستٷرلٸ كەدەلەر ۋاقىتشا توقتاتىلعان. بۇل ايماقتا 47 مەشٸت بار. بارلىق مەشٸتتە دەزينفەكتسييا تۇراقتى جٷرگٸزٸلٸپ وتىر.
مٸنە, ەلٸمٸزدٸڭ باسىنا تۋعان قيىن-قىستاۋ كٷندەردە قازاقستان مۇسىلماندارى دٸني باسقارماسى دەر كەزٸندە شەشٸم شىعارىپ, اسا قاجەتتٸ جاعدايدا بارلىق مٷمكٸندٸكتٸ جٷزەگە اسىرىپ وتىر. بٸزدٸڭ اسىل دٸنٸمٸزدە دە بار, ەۋ باستان دەرت شىققان جەرگە بارماۋ نەمەسە دەرت شىققان جەردەن باسقا جەرگە شىقپاۋ تۋرالى تٷسٸندٸرەدٸ. ياعني كەسەلدٸڭ باسقا ايماقتاردا دا تارالۋىنا جول بەرمەيدٸ. بٸز دە ٶز كەزەگٸمٸز دە, قازاقستان مۇسىلماندارى دٸني باسقارماسى شىعارعان پەتۋاعا كٶندٸگٸپ, ايتقان تالاپتاردى ورىنداي بٸلۋٸمٸز كەرەك. بۇل ەرينە, تەك قانا ۋاقىتشا سىناق ەكەنٸنە سەنەيٸك.
اقبوتا مۇسابەك
