توسىننان كەلگەن ٸندەت بٷكٸل ەلەم جۇرتشىلىعىن ەبٸگەرگە سالعانىن كٷندەلٸكتٸ بۇقارالىق اقپارات قۇرالدارىنان وقىپ, كٶرٸپ وتىرمىز. كەز كەلگەن ەلدٸڭ بيلٸگٸ دە وسىناۋ قيىن-قىستاۋ سەتتە ٸندەتتٸڭ حالىق اراسىندا دەندەپ تارالماۋىنا, ناۋقاسقا شالدىققانداردى ەمدەۋگە بارىن سالۋمەن قاتار ازاماتتارىنىڭ ەل-اۋقاتى تۇرالاپ قالماۋى ٷشٸن دە تىرىسىپ باعىپ جاتقان جايى بار. ولاردىڭ قاتارىندا قازاقستان دا بار. ٸندەت ۋشىعا باستاعان سەتتەن-اق ەل بيلٸگٸ ناقتى شارالاردى قولعا الىپ, ازاماتتارىنىڭ تۇرمىس جاعدايىنىڭ تٶمەندەپ كەتپەۋٸ ٷشٸن بارىن سالۋدا. ونى بٸرەۋ بٸلەر, بٸرەۋ بٸلمەس. سوندىقتان وقىرمان نازارىنا مەملەكەت تاراپىنان كٶرسەتٸلٸپ جاتقان ناقتى قولداۋ شارالارىنا شولۋدى تاعى بٸر مەرتە ۇسىنباقپىز.
42 500 تەڭگە
كوروناۆيرۋس ٸندەتٸنٸڭ العاشقى دەرەگٸ تٸركەلگەننەن كەيٸن-اق شاعىن جەنە ورتا بيزنەس قيىندىققا تاپ بولدى. حالىققا قىزمەت كٶرسەتەتٸن اسحانالار, دەمحانالار مەن مەيرامحانالار, شاشتارازدار, بازارلار, گٷل ساتاتىن دٷكەندەر, كٶلٸك جۋۋ ورىندارى, ٸرٸ بازارلار جابىلدى. وندا جۇمىس ٸستەيتٸن ادامدار كٷندەلٸكتٸ تابىسىنان قاعىلدى. «ەكٸ قولعا بٸر كٷرەك» دەپ نەپاقا تاۋىپ جٷرگەندەر دە كارانتين رەجيمٸنٸڭ جارييالانۋىنا بايلانىستى ٷيٸنەن شىعا الماي, كٷندەلٸكتٸ كٸرٸسٸنەن ايىرىلدى. مٸنە, وسىنداي قيىن سەتتە, 23 ناۋرىز كٷنٸ تٶتەنشە جاعداي جٶنٸندەگٸ مەملەكەتتٸك كوميسسييانىڭ وتىرىسىن ٶتكٸزگەن مەملەكەت باسشىسى قاسىم-جومارت توقاەۆ العاش رەت تابىس كٶزٸنەن ايىرىلعان قازاقستاندىقتارعا اي سايىن 1 ايلىق ەڭ تٶمەنگٸ جالاقى, ياعني, 42 500 تەڭگە كٶلەمٸندە ەلەۋمەتتٸك تٶلەم تٶلەي باستاۋدى تاپسىرعان ەدٸ. ول كەزدە مۇنداي كٶمەككە كەمٸندە 1,5 ميلليون ادام ٸلٸنەتٸنٸ ايتىلعان بولاتىن. الايدا قازٸردٸڭ ٶزٸندە مۇنداي كٶمەكتٸ 4 ميلليونعا جۋىق ازامات الىپ ٷلگەردٸ. الداعى ۋاقىتتا ولاردىڭ قاتارى ارتا تٷسۋٸ دە مٷمكٸن. سەبەبٸ, بٷگٸنگٸ كٷننٸڭ ٶزٸندە 3 ميلليوننان استام ادامعا ەلەۋمەتتٸك تٶلەم تٶلەۋدەن باس تارتىلعانى بەلگٸلٸ. يە, ولاردىڭ اراسىندا جۇمىس ٸستەپ جٷرسە دە ٶتٸنٸش بەرگەندەر, شەتەلگە تۇرعىلىقتى تۇرۋ ٷشٸن تٷپكٸلٸكتٸ كٶشٸپ كەتكەن نە بولماسا ٶمٸردەن وزعان ادامدار اتىنان بەرٸلگەن ٶتٸنٸشتەر دە بار. بٸراق ولاردىڭ سانى كٶپ دەپ تە ايتا المايمىز. ال 42 500 تەڭگە مٶلشەرٸندەگٸ ەلەۋمەتتٸك تٶلەم الۋشىلاردىڭ قاتارى تاعى 1 ميلليونعا جۋىق ازاماتقا كٶبەيەدٸ دەۋگە تولىق نەگٸز بار سيياقتى. ٶيتكەنٸ, بٷگٸن ورتالىق كوممۋنيكاتسييالار قىزمەتٸندە دەل وسى مەسەلەگە بايلانىستى جەتٸنشٸ رەت بريفينگ بەرۋگە مەجبٷر بولعان ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆتٸڭ دەرەگٸنشە, ەلەۋمەتتٸك تٶلەمگە ٶتٸنٸش بەرگەن 160 مىڭ ازامات جەكە سەيكەستەندٸرۋ نٶمٸرٸن, 800 مىڭ ادام بانكتەگٸ ەسەپشوتىن قاتە جٸبەرگەنٸ بەلگٸلٸ بولىپ وتىر.
جالپى, باستاپقىدا 42 500 تەڭگە مٶلشەرٸندەگٸ ەلەۋمەتتٸك تٶلەمدٸ تٶتەنشە جاعداي رەجيمٸنٸڭ ەنگٸزٸلۋٸنە بايلانىستى تابىسىنان ايىرىلعان ادامدارعا عانا بەرٸلۋٸ تيٸس بولاتىن. ناقتى ايتقاندا, رەجيمنٸڭ ەنگٸزٸلۋٸنە بايلانىستى جۇمىس بەرۋشٸسٸ اقىسىز دەمالىسقا جٸبەرگەندەر عانا الۋى تيٸس ەدٸ. بٸراق قازاقستان پرەزيدەنتٸ بۇل تٸزٸمدٸ كەڭەيتٸپ, وعان رەسمي جەنە بەيرەسمي جۇمىس ٸستەگەندەر دە قوسىلىپ وتىر. سوندىقتان دا بيلٸكتٸڭ باستاپقى سەتتەگٸ جارييا ەتكەن ەلەۋمەتتٸك تٶلەم الا الاتىن 1,5 ملن. ادامنىڭ ەسەلەپ كٶبەيٸپ وتىرعانى تٷسٸنٸكتٸ. وسىدان-اق مەملەكەتتٸڭ ٶز ازاماتتارىن قيىن جاعدايدا قالدىرمايتىنىن بايقاۋعا بولادى.
دەگەنمەن, سوڭعى ۋاقىتتا ەلەۋمەتتٸك جەلٸلەردە, كەيبٸر اقپارات قۇرالدارىنىڭ بەتتەرٸندە زاڭسىز 42 500 تەڭگە العانداردىڭ قىلمىستىق جازاعا تارتىلاتىنى تۋرالى ەڭگٸلەمەلەر تاراي باستاعانى بەلگٸلٸ. وسى سۋىت اقپارات تاراعاننان كەيٸن-اق تٶلەمدٸ الىپ العان ادامداردىڭ كٶڭٸلٸ كٷپتٸ بولعانى دا جاسىرىن ەمەس. تٸپتٸ, مۇنداي تٶلەمدٸ الۋعا قۇقىلى بولسا دا, ونى قايتا مەملەكەتكە قايتارۋعا تىرىسقاندار دا بار. مەسەلەنٸڭ بٸردەن بەتٸن اشىپ الايىق, مۇنداي تٶلەمگە جۇمىس بەرۋشٸسٸ اقىسىز دەمالىسقا جٸبەرمەگەن, ياعني كٷندەلٸكتٸ جۇمىسىنا بارىپ, ايلىعىن ۋاقىتىندا الىپ جٷرگەندەر ٷمٸتتٸ بولا المايدى. بٸراق مۇنداي ازاماتتاردىڭ بٸرازى ٶتٸنٸش بەرٸپ قويعان سىڭايلى. ەگەر وسى ساناتتاعى ازاماتتار ەلەۋمەتتٸك تٶلەم الىپ ٷلگەرسە, وندا ونى قايتارعانى جٶن. سەبەبٸ 42 500 تەڭگە مەملەكەتتٸك ساقتاندىرۋ قورىنان تٶلەنەدٸ. ال قور مۇنان بٶلەك زەينەتاقىلار مەن جەردەماقىلاردى, 1 جاسقا دەيٸنگٸ بالا كٷتٸمٸنە قاتىستى بەرٸلەتٸن جەردەماقىلاردى تٶلەپ كەلەدٸ. ياعني ەر تٶلەنگەن تيىنعا جاۋاپ بەرەدٸ. سوندىقتان قور جۇمىس ورنىن اقىسىز دەمالىسقا جٸبەرمەسە دە, ەلەۋمەتتٸك تٶلەم العانداردان قاراجاتتى قايتارۋدى تالاپ ەتۋٸ زاڭدى. ال جەكە تۇلعالار, جەكە كەسٸپكەرلەر, ٶز بەتٸنشە رەسمي نە بەيرەسمي جۇمىس ٸستەپ جٷرگەندەر ەسەپشوتىنا تٷسكەن قاراجاتتى ۋايىمداماي-اق قاجەتٸنە جاراتا الادى.
زەينەتاقى مەن جەردەماقى يندەكساتسييالاندى
31 ناۋرىزدا رەسپۋبليكالىق تەلەارنالاردىڭ ەفيرٸنەن ەلٸمٸزدەگٸ تٶتەنشە جاعدايعا جەنە مەملەكەتتٸڭ داعدارىسقا قارسى ٸس-شارالارىنا بايلانىستى مەلٸمدەمە جاساعان پرەزيدەنت قاسىم-جومارت توقاەۆ ينفلياتسييانىڭ ارتۋىنا بايلانىستى زەينەتاقى, مەملەكەتتٸك جەردەماقى جەنە اتاۋلى ەلەۋمەتتٸك كٶمەك مٶلشەرٸن 10 پايىزعا يندەكساتسييالاۋدى تاپسىرعانىن, وسىعان وراي, اتالعان ساناتتاعى ازاماتتاردىڭ تابىسىن ارتتىرۋ ٷشٸن مەملەكەت تاراپىنان 200 ميلليارد تەڭگەدەن استام قاراجات بٶلٸنەتٸنٸن ايتقان ەدٸ. مەملەكەت باسشىسىنىڭ وسى تاپسىرماسىنا سەيكەس, ەڭبەك جەنە حالىقتى ەلەۋمەتتٸك قورعاۋ مينيسترلٸگٸ زەينەتاقىلار مەن مەملەكەتتٸك جەردەماقىلاردى جىلدىق تۇرعىدا 10 پايىزعا يندەكساتسييالاۋدى جٷرگٸزدٸ. وسىلايشا 2020 جىلدىڭ 1 سەۋٸرٸنەن باستاپ زەينەتاقىنىڭ ەڭ تٶمەنگٸ مٶلشەرٸ 40 441 تەڭگەنٸ قۇرايتىن بولدى. دەگەنمەن, ەل ازاماتتارى كٶتەرٸلگەن زەينەتاقى مەن جەردەماقىنى الىپ ٷلگەرگەن جوق. سەبەبٸ, مەملەكەت باسشىسى تاپسىرما بەرگەن كەزدە ازاماتتارعا سەۋٸردٸڭ اقشاسى تٷسٸپ قويعان بولاتىن. ەندٸ ولار ٷستەمە اقشالارىن مامىردىڭ تٶلەمدەرٸمەن قوسىپ بٸرگە الادى.
ٸندەتپەن كٷرەستٸڭ العى شەبٸندەگٸ دەرٸگەرگە قانداي قولداۋ بار
مەملەكەتتٸڭ ەلەۋەتٸ سىنالار سەتتە ەلەۋمەتٸنە جان-جاقتى قولداۋ كٶرسەتۋٸ ٶتە ورىندى. ال ٸندەتپەن كٷرەستٸڭ الدىڭعى شەپتە جٷرگەن دەرٸگەرلەردٸڭ جاعدايى نە بولماق? مۇنى دا مەملەكەت قاپەردەن شىعارعان ەمەس. قازاقستان پرەزيدەنتٸ قاسىم-جومارت توقاەۆ دەرٸگەرلەردٸ قولداۋدىڭ ارنايى توپتاماسى جايىندا سٶز قوزعاعاننان كٶپ ٶتپەي-اق ٷكٸمەت ارنايى شەشٸم قابىلدادى. وعان سەيكەس, مەديتسينا قىزمەتكەرلەرٸ جۇمىسىنىڭ قاۋٸپتٸلٸگٸنە قاراي 3 توپقا بٶلٸنگەن. بٸرٸنشٸ توپ - رەانيماتسييا بٶلٸمدەرٸمەن قوسا العاندا جۇقپالى اۋرۋلار ستانتسيونارلارىنىڭ دەرٸگەرلەرٸ, ورتا جەنە كٸشٸ مەديتسينا قىزمەتكەرلەرٸ. ولاردىڭ جالاقىسىنا ٷستەماقى ايىنا 850 مىڭ تەڭگەنٸ قۇرايدى. ياعني ورتاشا ايلىعىن قوسقاندا, ولار ايىنا شامامەن 1 ملن. تەڭگەنٸڭ ٷستٸندە الادى. ەكٸنشٸ توپ - پروۆيزورلىق ستاتسيونار مەن جەدەل جەردەم قىزمەتتەرٸنٸڭ دەرٸگەرلەرٸ, ورتا جەنە كٸشٸ مەديتسينا قىزمەتكەرلەرٸ. ولاردىڭ ٷستەماقىسى ايىنا 425 مىڭ تەڭگە بولادى. ورتاشا ايلىعىن قوسقاندا ولار ايىنا شامامەن 600 مىڭ تەڭگە الادى.
ٷشٸنشٸ توپقا كارانتيندٸك ستاتسيونار دەرٸگەرلەرٸ, ورتا جەنە كٸشٸ مەديتسينا قىزمەتكەرلەرٸ, سانيتارلىق دەرٸگەرلەر, جەدەل جەردەم جٷرگٸزۋشٸلەرٸ جەنە تاعى باسقالارى كٸرەدٸ. ولار ايىنا 212 مىڭ تەڭگە ٷستەماقىنى قوسقاندا, شامامەن 380 مىڭ تەڭگە الادى. مەديتسينا قىزمەتكەرلەرٸنٸڭ دەنساۋلىعى مەن ٶمٸرٸن ساقتاندىرۋ مەسەلەسٸ دە پىسىقتالعان. ولار اۋىرىپ قالعان جاعدايدا 2 ميلليون تەڭگە مٶلشەرٸندە ساقتاندىرۋ تٶلەمٸ بەرٸلەدٸ. قۇداي ساقتاسىن, بٸراق ەگەر مەديتسينالىق قىزمەتكەر قايتىس بولعان جاعدايدا 10 ميلليون تەڭگە مٶلشەرٸندە تٶلەماقى بەرٸلەدٸ. ٶكٸنٸشكە وراي, قازٸرگٸ ۋاقىتتا 100-دەن استام مەديتسينا قىزمەتكەرٸنٸڭ قاۋٸپتٸ ٸندەتتٸ جۇقتىرىپ العانى بەلگٸلٸ بولىپ تۇر.
كوممۋنالدىق قىزمەتتەردٸ تٶلەۋگە 15 مىڭ تەڭگە
قازٸر قازاقستاننىڭ بارلىق قالاسى كارانتينگە جابىلعان. اي سايىن تابىستان قاعىلعان وتباسىلاردىڭ لەگٸ دە قالىڭ. جوعارىدا ولارعا مەملەكەت تاراپىنان 42 500 تەڭگە ەلەۋمەتتٸك تٶلەمنٸڭ بەرٸلەتٸندٸگٸن ايتتىق. مۇنان بٶلەك تە مەملەكەت تاراپىنان بەرٸلەتٸن تاعى بٸر كٶمەك بار. ول - كوممۋنالدىق تٶلەمدەرگە اي سايىن تٶلەنەتٸن 15 مىڭ تەڭگە. بٸراق بۇل تٶلەم دە بارلىق ازاماتقا بٸردەي بەرٸلمەيدٸ. ەندەشە, مۇنداي كٶمەكتٸ كٸم الا الادى?
قر يندۋسترييا جەنە ينفراقۇرىلىمدىق دامۋ مينيسترلٸگٸنٸڭ مەلٸمەتٸنشە, كارانتين ەنگٸزٸلگەن ٶڭٸرلەردە ەكٸمدٸكتەر تۇتىنۋشىلاردىڭ دەربەس (ابونەنتتٸك) شوتتارىنا 2 اي بويى 15 مىڭ تەڭگەدەن اۋدارىپ وتىرادى. مەملەكەتتٸك ورگانداردىڭ ۇسىنىسى نەگٸزٸندە تٶلەم الۋشىلاردىڭ كەلەسٸ ساناتتارى ايقىندالعان. ولار: 1, 2, 3 توپ مٷگەدەكتەرٸ; مٷگەدەك بالالاردى تەربيەلەپ وتىرعان وتباسىلار; كٶپبالالى وتباسىلار; ۇوس مٷگەدەكتەرٸ مەن قاتىسۋشىلارى, ۇوس مٷگەدەكتەرٸ مەن قاتىسۋشىلارىنا تەڭەستٸرٸلگەن تۇلعالار; مەملەكەتتٸك نەمەسە قوعامدىق مٸندەتتەرٸن, ەسكەري قىزمەتٸن ورىنداۋ بارىسىندا, عارىش كەڭٸستٸگٸنە ۇشۋعا دايىندىق بارىسىندا نەمەسە ۇشۋ كەزٸندە, ادام ٶمٸرٸن قۇتقارۋ جەنە قۇقىق تەرتٸبٸن ساقتاۋ كەزٸندە قازا تاپقان تۇلعالاردىڭ وتباسىلارى; تٶمەن جەنە ودان از زەينەتاقى الاتىن زەينەتكەرلەر; اتاۋلى ەلەۋمەتتٸك كٶمەك الاتىن ازاماتتار, ونىڭ ٸشٸندە جالعىزباستى زەينەتكەرلەر.
اتالعان ساناتقا كٸرەتٸن ازاماتتار تٶلەمدٸ الۋ ٷشٸن اقپاراتتىق جٷيەلەر نەمەسە call-ورتالىقتار ارقىلى جەكە سەيكەستٸندٸرۋ نٶمٸرٸن, ەلەۋمەتتٸك دەرەجەسٸن جەنە دەربەس شوت دەرەكتەرٸن كٶرسەتە وتىرىپ, ەكٸمدٸككە ٶتٸنٸم بەرۋٸ كەرەك. ەكٸمدٸك ۇسىنىلعان دەرەكتەردٸ تەكسەرٸپ, مەلٸمەتتەر راس بولعان جاعدايدا كوممۋنالدىق قىزمەتتەر تۇتىنۋشىسىنىڭ دەربەس (ابونەنتتٸك) شوتىنا قارجى اۋداراتىن بولادى.
ازىق-تٷلٸك سەبەتٸ نەمەسە 4 اەك
دەل قازٸرگٸ جاعدايدا تۇرمىستىق قيىندىققا تاپ بولعان ازاماتتارعا بەرٸلەتٸن كٶمەكتٸڭ تاعى بٸر تٷرٸ بار. ول - ازىق-تٷلٸك جيىنتىعى. جالپى ەلٸمٸزدە تٶتەنشە جاعداي جارييالانعانعا دەيٸن بيۋدجەت قاراجاتى ەسەبٸنەن ازىق-تٷلٸك سەبەتٸ باستاپقىدا 460 مىڭ ادامعا بەرٸلگەن ەدٸ. دەگەنمەن, 31 ناۋرىزدا پرەزيدەنت ونى كەڭەيتۋدٸ تاپسىردى جەنە رەسپۋبليكالىق بيۋدجەتتٸ سوڭعى ناقتىلاۋ بارىسىندا قوسىمشا قاراجات قاراستىرىلدى. بٷگٸندە مۇنداي كٶمەك الاتىن ادامداردىڭ سانى 1,243 ميلليونعا جەتٸپ وتىر. ياعني, كٶپ بالالى وتباسىلاردى, بارلىق توپتاعى جەنە جاستاعى مٷگەدەكتەردٸ قوسا العاندا, اتاۋلى ەلەۋمەتتٸك كٶمەك الاتىن از قامتىلعان ازاماتتار, مٷگەدەك بالانىڭ كٷتٸمٸمەن وتىرعان اتا-انالار, سونىمەن قاتار جۇمىسپەن قامتۋ ورگاندارىندا جۇمىسسىز رەتٸندە رەسمي تٸركەلگەن تۇلعالار وسى كٶمەكتٸ الىپ جاتىر. ولارعا بارلىق ٶڭٸردە ازىق-تٷلٸك جيىنتىعى نەمەسە ازىق-تٷلٸك جيىنتىعىنا ارنالعان قاراجات تٷرٸندە (4 ايلىق ەسەپتٸك كٶرسەتكٸش كٶلەمٸندە) بەرٸلٸپ جاتىر.
مۇنان بٶلەك, «بٸز بٸرگەمٸز» قورى, ەلٸمٸزدٸڭ پاتريوتتارى دا ٶمٸرلٸك قيىندىققا دۋشار بولعان وتباسىلارعا قولدارىنان كەلگەنشە كٶمەك كٶرسەتٸپ جاتقانى بەلگٸلٸ. مەسەلەن, ەلوردانىڭ ٶزٸندە از قامتىلعان وتباسىلارعا قولداۋ كٶرسەتۋگە باعىتتالعان اكتسييانىڭ العاشقى كەزەڭٸندە 5 مىڭ وتباسىعا قولداۋ جاسالدى. قازٸرگٸ ۋاقىتتا اكتسييانىڭ ەكٸنشٸ كەزەڭٸ باستالعان. ونىڭ اياسىندا 6 مىڭ ادامدى ازىق-تٷلٸك سەبەتٸمەن قامتاماسىز ەتۋ جوسپارلانعان. بٸر وتباسىنا بەرٸلەتٸن مۇنداي بٸر سەبەتكە 5 كەلٸ قانت پەن كٷرٸش, 2,5 كەلٸ پەچەنە, 1 كەلٸ ۇن, 5 كەلٸ ماي مەن ماكارون ٶنٸمٸ, سونىمەن قاتار 50 مەديتسينالىق ماسكا كٸرەدٸ.
شاعىن ورتا بيزنەس پەن ديقانعا قولداۋ
23 ناۋرىزدا تٶتەنشە جاعداي جٶنٸندەگٸ مەملەكەتتٸك كوميسسييانىڭ وتىرىسىن ٶتكٸزگەن مەملەكەت باسشىسى قاسىم-جومارت توقاەۆ كەسٸپكەرلٸكتٸ قورعاۋعا باسا نازار اۋدارتقان بولاتىن.
«قازٸرگٸ كٷردەلٸ جاعدايدان زارداپ شەككەن شاعىن جەنە ورتا كەسٸپكەرلٸكتٸڭ بارلىق نەسيەلەرٸ بويىنشا نەگٸزگٸ قارىزدارى مەن سىياقىلارىن تٶلەۋدٸ توقتاتا تۇرۋ – ولاردى ناقتى قولداۋ مەحانيزمدەرٸنٸڭ بٸرٸ. ٸسكەرلٸك بەلسەندٸلٸكتٸ سالىق تۇرعىسىنان ىنتالاندىرۋ جەنە باعانىڭ تۇراقتىلىعىن قامتاماسىز ەتۋ ٷشٸن كەشەندٸ شارالار ەزٸرلەۋدٸ, شاعىن جەنە ورتا كەسٸپكەرلٸكتٸ بارلىق سالىق جەنە مٸندەتتٸ تٶلەمدەردەن 3 اي مەرزٸمگە بوساتۋدى تاپسىرامىن. وسى كەزەڭدە ولارعا ايىپپۇلدار مەن ٶسٸمپۇل جٷرمەۋٸ كەرەك», – دەگەن ەدٸ مەملەكەت باسشىسى.
سونىمەن قاتار قازاقستان پرەزيدەنتٸ كٶكتەمگٸ ەگٸس ناۋقانىن ۋاقىتىندا جەنە ساپالى اتقارۋ قاجەتتٸگٸنە دە نازار اۋدارتقان بولاتىن. بۇل رەتتە شارۋاشىلىقتاردى پەستيتسيدتەر مەن تىڭايتقىشتار, ساپالى تۇقىمدار جەنە جانار-جاعار ماي ساتىپ الۋمەن قامتاماسىز ەتۋ كەرەك. وسىعان وراي كٶكتەمگٸ ەگٸس جۇمىستارىن قارجىلاندىرۋ كٶلەمٸ 3 ەسەگە جۋىق, ياعني, 170 ميلليارد تەڭگەگە دەيٸن ارتتىرىلدى.
«جاڭا تىيىمدارعا, كۆوتالارعا بايلانىستى اۋىل شارۋاشىلىعى ٶنٸمدەرٸن ٶندٸرۋشٸلەردٸڭ سۇراقتارى كٶپ. اۋىل شارۋاشىلىعى مينيسترلٸگٸ ولارعا جەدەل جاۋاپ بەرۋٸ كەرەك. بٸرىڭعاي call-ورتالىق قاجەت. كٶكتەمگٸ ەگٸس جۇمىستارىن قولداۋعا بٶلٸنگەن قاراجاتتى تيٸستٸ جەرلەرگە ۋاقىتىندا جەتكٸزۋ كەرەك», – دەدٸ قاسىم-جومارت توقاەۆ.
مەملەكەت باسشىسىنىڭ تاپسىرماسىنا سەيكەس, 2020 جىلعى كٶكتەمگٸ ەگٸس جۇمىستارىن جٷرگٸزۋ ٷشٸن ديزەل وتىنىنىڭ ۇسىنىلاتىن باعاسى 1 تونناسى ٷشٸن 194 مىڭ تەڭگەدەن (161 تەڭگە/ليتر) 1 تونناسى ٷشٸن 174 مىڭ تەڭگەگە (144 تەڭگە/ليتر) (ققس قوسا العاندا) (FCA-تيەۋ ستانتسيياسى شارتتارىندا) دەيٸن 1 سەۋٸردەن باستاپ تٶمەندەتٸلدٸ. سەۋٸردە جەتكٸزۋدٸ, ساقتاۋدى جەنە وپەراتوردىڭ مارجاسىن ەسكەرە وتىرىپ, باعا 1 ليتر ٷشٸن 165 تەڭگەنٸ قۇرادى.
قورىتا ايتقاندا, بٷگٸنگٸ كٷنٸ كارانتين رەجيمٸنە بايلانىستى تابىسسىز قالعان ازاماتتار, ٸندەتپەن كٷرەسۋگە جۇمىلدىرىلعان دەرٸگەرلەر, شاعىن جەنە ورتا بيزنەس ٶكٸلدەرٸ, قاۋىرت جۇمىسى باستالاتىن ديقانشىلار دا مەملەكەت قامقورلىعىنان تىس قالىپ وتىرعان جوق. بٸرلٸگٸ بەكەم ەلدٸڭ بولاشاعى جارقىن! بٸز بٸرگە بولساق, بارلىق قيىندىقتاردى ەڭسەرە الامىز.
