ٶتكەن ەربٸر ون جىلدىق اتقارعان ميسسيياسى تۇرعىسىنان عاسىردىڭ جٷگٸن ارقالاپ تۇر. بۇل تۋرالى تەۋەلسٸزدٸك كٷنٸ قارساڭىندا ٶتكەن مەملەكەتتٸك ناگرادالاردى تاپسىرۋ رەسٸمٸندە قر پرەزيدەنتٸ قاسىم-جومارت توقاەۆ ايتتى, دەپ حابارلايدى "ۇلت اقپارات".
«ٶتكەن ەربٸر ون جىلدىق اتقارعان ميسسيياسى تۇرعىسىنان عاسىردىڭ جٷگٸن ارقالاپ تۇر. العاشقى ون جىلدىق ەگەمەن قازاقستاننىڭ ٶز دەربەستٸگٸن قالىپتاستىرۋ كەزەڭٸ بولدى. ەكٸنشٸ ون جىلدىقتا ەلٸمٸز تۇعىرىن نىقتاپ, كەرەگەسٸن كەڭەيتٸپ, ٸرگەسٸن بەكٸتتٸ. ٷشٸنشٸ ون جىلدىقتا مەملەكەتٸمٸز شىن مەنٸندە, كەمەلٸنە كەلٸپ, ەلەمدٸك ساياساتتىڭ تٶرٸنە وزدى. الداعى تٶرتٸنشٸ ون جىلدىقتا بٸزدٸ جاڭا مٸندەتتەر كٷتٸپ تۇر. ەلٸمٸزدٸ ٸلگەرٸ دامىتىپ, ەربٸر ازاماتتىڭ لايىقتى تۇرمىسىن قامتاماسىز ەتۋٸمٸز كەرەك», - دەدٸ قاسىم-جومارت توقاەۆ.
قر پرەزيدەنتٸنٸڭ پايىمىنشا, ونى جٷزەگە اسىرۋدىڭ باستى جولى – تيٸمدٸ باسقارۋ جٷيەسٸ.
«مەن جولداۋىمدا مەملەكەتتٸك باسقارۋدىڭ جاڭا ٷلگٸسٸنە باسا مەن بەرگەنٸمدٸ بٸلەسٸزدەر. وسىعان وراي, كٶپتەگەن ناقتى شارالار اتقارىلۋدا. جالپى, جاڭعىرۋدىڭ جان-جاقتى بولعانى جٶن. بٷكٸل حالقىمىز زامان اعىمىنا ٸلەسە بٸلۋگە تيٸس. ٶزگەرٸستەرگە بەيٸمدەلە الاتىن جۇرت قانا ۋاقىت تىنىسىن دٶپ باسادى. بٸز بٸلٸمدٸ ەرٸ بٸلٸكتٸ, ۇقىپتى جەنە جاۋاپتى, ٸسكەر دە ەڭبەكقور جۇرت بولۋىمىز قاجەت. بۇل – ۇلى اباي ايتقانداي, «تولىق ادامنىڭ» ايقىن كٶرٸنٸسٸ. وعان قوسا, ەركٸمنٸڭ جەكە قاسيەتٸ مەن ماقساتى ەلدٸك مٷددەمەن تىعىز استاسىپ, پاتريوتيزمگە ۇلاسۋى كەرەك. سوندا عانا مەملەكەتشٸلدٸك يدەياسى باستى قۇندىلىققا اينالادى», - دەدٸ مەملەكەت باسشىسى.
