جامبىل وبلىسىندا تٶرت تەمٸرجول قىزمەتكەرٸنٸڭ قازاسىنا سەبەپ بولعان قايعىلى وقيعاعا بايلانىستى ٷش ادامعا سوت ٷكٸمٸ شىعارىلدى, دەپ حابارلايدى ult.kz.
باس پروكۋراتۋرانىڭ مەلٸمەتٸنشە, قايعىلى وقيعا 2025 جىلعى 10 جەلتوقساندا «شەشەنقارا – قاراجىڭعىل» تەمٸرجول ۋچاسكەسٸندە بولعان. جول جٶندەۋ جۇمىستارىن جٷرگٸزٸپ جاتقان بريگادانى جٷك پويىزى قاعىپ, سالدارىنان تٶرت ادام كٶز جۇمىپ, تاعى ەكٸ جۇمىسشى تٷرلٸ جاراقات العان.
پروكۋراتۋرانىڭ مەلٸمەتٸنشە, جٶندەۋ جۇمىستارى تەمٸرجول قوزعالىسىن ۋاقىتشا توقتاتپاي ەرٸ قاجەتتٸ قاۋٸپسٸزدٸك تالاپتارىن ساقتاماي جٷرگٸزٸلگەن. سونداي-اق پويىز ماشينيسٸنە جول بويىندا ادامداردىڭ جۇمىس ٸستەپ جٷرگەنٸ تۋرالى دەر كەزٸندە حابار بەرٸلمەگەن.
سوت شەشٸمٸمەن پويىز ديسپەتچەرٸ 5 جىلعا باس بوستاندىعىنان ايىرىلدى. ال سارىشاعان جول ديستانتسيياسىنىڭ ەكٸ قىزمەتكەرٸ 3 جىل 6 اي مەرزٸمگە باس بوستاندىعىن شەكتەۋ جازاسىنا كەسٸلدٸ.
سونىمەن قاتار, سوتتالعان ٷش ازاماتتىڭ دا تەمٸرجول كٶلٸگٸندەگٸ قوزعالىس قاۋٸپسٸزدٸگٸن قامتاماسىز ەتۋگە بايلانىستى لاۋازىمداردا قىزمەت اتقارۋىنا تىيىم سالىندى.
