ماڭعىستاۋ وبلىسىندا تٶرت ادامنىڭ ٶلٸمٸنە ەكەلگەن جول-كٶلٸك وقيعاسىنا قاتىستى سوت ٷكٸمٸ شىقتى, دەپ حابارلايدى ult.kz.
وبلىستىق سوتتىڭ باسپاسٶز قىزمەتٸنٸڭ مەلٸمەتٸنشە, قايعىلى وقيعا بيىل ماۋسىم ايىندا اقتاۋ–بەينەۋ اۆتوجولىنىڭ 424/362 شاقىرىمىندا بولعان. سوت ماتەريالدارىنا سەيكەس, Toyota Camry اۆتوكٶلٸگٸن باسقارعان جٷرگٸزۋشٸ جول قوزعالىسى ەرەجەسٸن بۇزىپ, جوعارى جىلدامدىقپەن كەلە جاتىپ, ٶزٸمەن بٸر باعىتتا قوزعالعان كاماز جٷك كٶلٸگٸمەن سوقتىعىسقان.
جول اپاتى سالدارىنان جەڭٸل كٶلٸكتە وتىرعان تٶرت جولاۋشى اۋىر جاراقات الىپ, وقيعا ورنىندا كٶز جۇمعان.
سوت بارىسىندا ايىپتالۋشى ٶز كٸنەسٸن تولىق مويىنداپ, جاساعان ٸسٸنە ٶكٸنٸش بٸلدٸرٸپ, مارقۇمداردىڭ تۋىستارىنان كەشٸرٸم سۇراعان. جەبٸرلەنۋشٸلەر دە وعان قاتىستى ماتەريالدىق نەمەسە مورالدىق تالاپ قويماي, كەشٸرگەندەرٸن ايتىپ, جەڭٸل جازا تاعايىنداۋدى سۇراعان.
سوت جازا تاعايىنداۋ كەزٸندە ايىپتالۋشىنىڭ كٸنەسٸن مويىنداۋىن, شىن جٷرەكتەن ٶكٸنۋٸن, ٸٸ توپتاعى مٷگەدەكتٸگٸن جەنە جەبٸرلەنۋشٸلەر تاراپىنان تالاپتاردىڭ بولماۋىن جەڭٸلدەتەتٸن مەن-جايلار رەتٸندە ەسكەردٸ.
سوت ٷكٸمٸمەن جٷرگٸزۋشٸ 5 جىلعا باس بوستاندىعىنان ايىرىلدى. سونىمەن قاتار ول 7 جىل مەرزٸمگە كٶلٸك قۇرالىن باسقارۋ قۇقىعىنان ايىرىلدى.
