اقمولا وبلىسىنىڭ ارشالى اۋدانىندا تٶرت ادامنىڭ ٶلٸمٸنە سەبەپ بولعان ەر ادامعا قاتىستى سوت شەشٸمٸ شىقتى. وبلىستىق سوتتىڭ مەلٸمەتٸنشە, ول قىلمىستىق جاۋاپتىلىقتان بوساتىلىپ, مامانداندىرىلعان پسيحياترييالىق ستاتسيوناردا مەجبٷرلٸ ەم قابىلدايتىن بولدى, دەپ حابارلايدى ult.kz.
سوت ماتەريالدارىنا سەيكەس, ەر ادام بۇعان دەيٸن دە قۇقىق قورعاۋ ورگاندارىنىڭ نازارىندا بولعان. 2016 جىلى ول باس بوستاندىعىن شەكتەۋ جازاسىنا كەسٸلٸپ, قوعامدىق جۇمىستارعا تارتىلعان. ال 2022 جىلى پسيحياترييالىق اۋرۋحانادا مەجبٷرلٸ ەم العان. 2023 جىلدان بەرٸ وعان «پارانويدتى شيزوفرەنييا» دياگنوزى قويىلىپ, پسيحياتردىڭ تۇراقتى باقىلاۋىندا بولعان.
قايعىلى وقيعا بيىل ناۋرىز ايىندا بولعان. تەرگەۋ دەرەگٸنە سەيكەس, ەر ادامنىڭ ۇيالى تەلەفونى ٸستەن شىعىپ, وسىعان بايلانىستى جيەنٸمەن جانجال تۋعان. جيەنٸ پوليتسييا شاقىرعانىمەن, اناسى قۇقىق قورعاۋ قىزمەتكەرلەرٸنەن ۇلىنا شارا قولدانباۋدى ٶتٸنگەن. پوليتسييا كەتكەننەن كەيٸن ەر ادام اشۋعا مٸنٸپ, ٷيدەگٸلەرگە اسٷي بالتاسىمەن شابۋىل جاساعان.
سالدارىنان ونىڭ اناسى, ەكٸ زەينەتكەر جەنە جيەنٸ وقيعا ورنىندا قازا تاپقان. قۇربانداردىڭ ٷشەۋٸ ەگدە جاستاعى ادامدار بولعان.
سوت-پسيحياترييالىق ساراپتاما قورىتىندىسى بويىنشا, قىلمىس جاسالعان سەتتە ەر ادام سوزىلمالى پسيحيكالىق دەرتكە شالدىققاندىقتان, ٶز ەرەكەتٸنٸڭ مەنٸن تٷسٸنە الماعان. سونداي-اق ول تەرگەۋ ەرەكەتتەرٸنە قاتىسۋعا جەنە سوت الدىندا جاۋاپ بەرۋگە قابٸلەتسٸز دەپ تانىلعان.
وسىعان بايلانىستى سوت ونى قىلمىستىق كودەكستٸڭ 99-بابى 2-بٶلٸگٸنٸڭ 1 جەنە 5-تارماقتارىندا كٶزدەلگەن قوعامدىق قاۋٸپتٸ ەرەكەتتٸ ەسٸ دۇرىس ەمەس كٷيدە جاساعانى ٷشٸن قىلمىستىق جاۋاپتىلىقتان بوساتىپ, قاتاڭ وقشاۋلاۋ جاعدايىنداعى مامانداندىرىلعان پسيحياترييالىق ستاتسيوناردا مەجبٷرلٸ ەمدەۋدٸ تاعايىندادى.
قازٸر ول الماتى وبلىسى تالعار اۋدانىنداعى رەسپۋبليكالىق پسيحياترييالىق اۋرۋحاناعا ورنالاستىرىلعان. سوت قاۋلىسى ەزٸرگە زاڭدى كٷشٸنە ەنگەن جوق.
