"تٶرەشتەردٸ" تٶبەمٸزگە شىعارىپ, "تٶرە" جاساعان ٶزٸمٸز. ۋىس-ۋىس اقشا بەرٸپ تويعا شاقىرامىز, ونىمەن قويماي ۇشاقتىڭ بيزنەس كلاسىنا بيلەت الىپ بەرەمٸز. بەس جۇلدىزدى قوناق ٷي دايىندايتىنىمىز تاعى بار. وسىدان كەيٸن "تٶرەشتەر" قۇتىرماي قايتسٸن!
بىلتىر وسىنداي بٸر جۇلدىز ٸنٸمٸزدٸ شىمكەنتتە ۇشاقتىڭ قالىڭ جولاۋشىسى جارتى ساعات كٷتٸپ تۇرعانىنا ٶزٸم كۋە بولعانمىن. ەلدەبٸر دٶكەيدٸڭ تويىنان كەشٸگٸپ كەلگەن ەلگٸ ەنشٸگە جينالعان جۇرت رەنجۋدٸڭ ورنىنا سۋرەتكە تٷسٸپ, سەلفيلەتٸپ جاتتى. تٷك بولماعانداي...
كەشە تٶرەعالي تٶرەەلٸ تايلاندقا باراتىن ۇشاققا بيلەتسٸز كٸرٸپ, بالا-شاعاسىن شىعارىپ سالعان ەكەن! ۇشاقتىڭ ٸشٸ قايتا تەكسەرٸلٸپ, جارتى ساعاتقا كەشٸگٸپ ۇشقان. كەدەن, شەكارا, ۇشاق قىزمەتتەرٸنٸڭ بارلىعىنان تەكسەرۋسٸز ٶتٸپ كەتٸپ, مەملەكەتتٸك شەكارانى بۇزعان بۇل باۋىرىمنىڭ باسبۇزارلىعىنا ٶز باسىم ونشا تاڭ قالا قويعان جوقپىن. ونى دا بٸر "تابىنۋشىسى" ٶتكٸزگەن شىعار? "تٶرەشتەر" ەندٸ ٶزدەرٸنە بەرٸ بولادى دەپ ويلايدى. ولار جۇلدىز! ولار كٶكتە جٷر! جەرگە تٷسٸرگەن دۇرىس شىعار? ەيتپەسە تاعى تالاي نەرسەنٸ بٷلدٸرەدٸ ولار...
ارمان سقابىلۇلىنىڭ فەيسبۋكتاعى جازباسىنان
