فوتو: اشىق دەرەككٶزدەن
اقش-تىڭ فلوريدا شتاتىندا كەمەلەتكە تولماعان بالالارعا جٷيەلٸ تٷردە قاتىگەزدٸك كٶرسەتكەن وتباسىنىڭ تٶرت مٷشەسٸ — برايان جەنە دجيلل گريففەت ەسٸمدٸ ەرلٸ-زايىپتى مەن ولاردىڭ تۋىستارى داللين (21 جاستا) جەنە ليبەرتي گريففەت (19 جاستا) قاماۋعا الىندى, دەپ حابارلايدى Ult.kz El.kz ينتەرنەت پورتالىنا سٸلتەمە جاساپ.
بۇل تۋرالى Sky News حابارلادى.
تەرگەۋ مەلٸمەتٸنشە, ولار جالپى سانى توعىز بالانى — بەس بيولوگييالىق جەنە تٶرت اسىراندى بالانى ازاپتاپ, ادام تٶزگٸسٸز جاعدايدا ۇستاعان.
پوليتسييا انىقتاعان دەرەكتەرگە سەيكەس, بالالار ەكٸ قاباتتى كەرەۋەتتٸڭ استىنداعى فانەردەن جاسالعان تورلار ٸشٸندە كٷشتەپ قامالىپ وتىرعان. تەرتٸپكە باعىنباعان بالالارعا جازا رەتٸندە بەتٸنە سٸركە سۋىن شاشىپ, تاياقپەن ۇرىپ, تٸپتٸ دەرٸگەردٸڭ تاعايىنداۋىنسىز دەرٸ-دەرمەك بەرگەن. بالالارعا وقۋ مەن جازۋعا ٷيرەنۋگە رۇقسات بەرٸلمەگەن, ولار اينالاسىنداعى ادامدارعا ٶز ٶمٸرلەرٸ تۋرالى جالعان ايتۋعا مەجبٷر بولعان.
ەسٸرەسە, اسىراندى بالالاردىڭ جاعدايى ٶتە مٷشكٸل بولعانى انىقتالدى. ولاردىڭ كٶپشٸلٸگٸ ٶز اتى-جٶنٸن دە, تۋعان كٷنٸن دە بٸلمەگەن. ولار بارلىق اۋىر ٷي جۇمىستارىن ورىنداۋعا مٸندەتتەلٸپ, كٷن سايىن فيزيكالىق جەنە پسيحولوگييالىق قىسىم كٶرگەن. ال بيولوگييالىق بالالار ەش جۇمىس ٸستەمەي, ويىن ويناۋعا, تەلەديدار كٶرۋگە تولىق ەركٸندٸككە يە بولعان.
قىلمىستىق ٸس شٸركەۋ قىزمەتكەرٸنٸڭ كٷدٸگٸ ارقىلى ەشكەرەلەندٸ. ول شٸركەۋ لاگەرٸنە كەلگەن بٸر بالانىڭ قولىندا ەلەكتروشوكەر بار ەكەنٸن بايقاپ, تيٸستٸ ورگاندارعا حابار بەرگەن. تەكسەرۋ بارىسىندا قاسٸرەتتٸ جاعدايدىڭ شىنايى كٶرٸنٸسٸ اشىلىپ, دەرەۋ تەرگەۋ باستالدى. العاشقى تەرگەۋ كەزٸندە اسىراندى بالالار توردىڭ ٸشٸندە تابىلعان, ولاردىڭ كەيبٸرٸنٸڭ دەنەسٸندە سوققى ٸزدەرٸ مەن تەرٸ زاقىمدارى بولعان.
قازٸرگٸ ۋاقىتتا بارلىق كٷدٸكتٸلەر تەرگەۋ يزولياتورىندا قاماۋدا. بالالار فلوريدا شتاتىنىڭ بالالار جەنە وتباسى ٸستەرٸ دەپارتامەنتٸنٸڭ ۋاقىتشا قامقورلىعىنا بەرٸلدٸ. ٸس بويىنشا تەرگەۋ جالعاسىپ جاتىر.
