مەملەكەت باسشىسى قاسىم-جومارت توقاەۆ اقوردادا حالىقارالىق پەن وليمپيادالارىندا جەڭٸمپاز اتانىپ, جٷلدەلٸ ورىندارعا يە بولعان وقۋشىلار جەنە ستۋدەنتتەرمەن كەزدەستٸ, دەپ حابارلايدى ult.kz.
سالتاناتتى شاراعا 21 لاۋرەات, سونداي-اق ولاردىڭ ۇستازدارى مەن تەلٸمگەرلەرٸ قاتىستى. ولاردىڭ ٸشٸندە 6 وقۋشى مەن ستۋدەنت التىن, 11-ٸ كٷمٸس, 4-ەۋٸ قولا مەدال يەلەنگەن.
پرەزيدەنت دارىندى جاستاردى جەتٸستٸكتەرٸمەن قۇتتىقتاپ, ولاردىڭ قازاقستاننىڭ ابىرويىن حالىقارالىق دەڭگەيدە كٶتەرٸپ جٷرگەنٸن اتاپ ٶتتٸ.
«قازاقستاننىڭ جارقىن بولاشاعى – ويى ۇشقىر, بٸلٸمدٸ, دارىندى جاستاردىڭ قولىندا. سٸزدەر ەل ماقتانىشى دەگەن اتقا لايىقسىزدار!» – دەدٸ قاسىم-جومارت توقاەۆ.
مەملەكەت باسشىسى بيىل قازاقستاندىق وقۋشىلاردىڭ 44 حالىقارالىق وليمپيادا مەن عىلىمي سايىسقا قاتىسىپ, مىڭنان استام مەدال جەڭٸپ العانىن ايتتى. ونىڭ ٸشٸندە 200-دەن استامى – التىن مەدال.
پرەزيدەنت ەسٸرەسە حالىقارالىق فيزيكا وليمپياداسىنداعى نەتيجەگە توقتالدى. بايقاۋعا قاتىسقان قازاقستاننىڭ بەس وقۋشىسىنىڭ بارلىعى التىن مەدال يەلەنگەن. مەملەكەت باسشىسى مۇنى بۇرىن-سوڭدى بولماعان بٸرەگەي جەتٸستٸك دەپ باعالادى.
وليمپيادا جٷلدەگەرلەرٸنە قانشا سىياقى بەرٸلەدٸ?
سالتاناتتى شارا بارىسىندا قاسىم-جومارت توقاەۆ حالىقارالىق پەن وليمپيادالارىندا جٷلدە العان وقۋشىلار مەن ستۋدەنتتەرگە قارجىلاي سىياقىسى بار سەرتيفيكاتتار تابىستادى.
سىياقى مٶلشەرٸ:
- التىن مەدال – 1500 اەك;
- كٷمٸس مەدال – 1000 اەك;
- قولا مەدال – 500 اەك.
پرەزيدەنت سونىمەن قاتار جاس دارىنداردى دايىنداعان ۇستازدارعا العىس بٸلدٸرٸپ, ولاردىڭ ەڭبەگٸ مەملەكەت تاراپىنان ەسكەرٸلەتٸنٸن ايتتى.
توقاەۆ قازاقستاندا دارىندى جاستارعا قولداۋ كٶرسەتٸلە بەرەتٸنٸن اتاپ ٶتتٸ. ونىڭ ايتۋىنشا, بٸلٸم مەن عىلىم, يننوۆاتسييا جەنە وزىق تەحنولوگييالار جاھاندىق بەسەكەدە ەلدٸڭ العا جىلجۋى ٷشٸن ماڭىزدى.
«بٸلٸم مەن عىلىم, يننوۆاتسييا مەن وزىق تەحنولوگييا – بٷگٸنگٸ دەۋٸردٸڭ باستى قارۋى. جاھاندىق بەسەكەدە بٸلٸمدٸ, زيياتكەر ەلدەر عانا العا شىعادى. سوندىقتان مەن سٸزدەردٸ «قازٸرگٸ زاماننىڭ ناعىز باتىرلارى» دەپ سانايمىن», – دەدٸ پرەزيدەنت.
