مەملەكەت باسشىسى قاسىم-جومارت توقاەۆ تٷركٸ مەملەكەتتەرٸ ۇيىمىنا مٷشە ەلدەردٸڭ جوعارعى سوتتارىنىڭ ەكٸنشٸ كونفەرەنتسيياسىنا قاتىسۋ ٷشٸن قازاقستانعا كەلگەن سوت جٷيەسٸنٸڭ جوعارى لاۋازىمدى ٶكٸلدەرٸمەن كەزدەستٸ, دەپ حابارلايدى ult.kz.
پرەزيدەنت ەزەربايجان جوعارعى سوتىنىڭ تٶراعاسى ينام كەريموۆتٸ, قىرعىزستان جوعارعى سوتىنىڭ تٶراعاسى مەدەربەك ساتىەۆتٸ, تٷركييانىڭ كاسساتسييالىق سوتىنىڭ تٶراعاسى ومەر كەركەزدٸ, تٷركييا مەملەكەتتٸك كەڭەسٸنٸڭ تٶراعاسى زەكي ييگيتتٸ جەنە ٶزبەكستان جوعارعى سوتى تٶراعاسىنىڭ بٸرٸنشٸ ورىنباسارى اليشەر ۋسمانوۆتٸ قابىلدادى.
كەزدەسۋ بارىسىندا قاسىم-جومارت توقاەۆ باۋىرلاس مەملەكەتتەر اراسىنداعى ىنتىماقتاستىقتى نىعايتۋدا تٷركٸ مەملەكەتتەرٸ ۇيىمىنىڭ ماڭىزى زور ەكەنٸن اتاپ ٶتتٸ.
«ەربٸر ٶركەنيەتتٸ ەلدٸڭ ٶسٸپ-ٶركەندەۋٸ ٷشٸن سوت جٷيەسٸنٸڭ ماڭىزى زور. سوندىقتان جوعارعى سوتتار اراسىنداعى ٶزارا تىعىز بايلانىستى تەرەڭدەتۋ باۋىرلاس ەلدەرٸمٸزدٸڭ ورتاق مٷددەسٸنە تولىق ساي كەلەدٸ», – دەدٸ مەملەكەت باسشىسى.
پرەزيدەنتتٸڭ ايتۋىنشا, تٷركٸستاندا ٶتەتٸن كونفەرەنتسييا اياسىندا سوت جٷيەسٸن تسيفرلاندىرۋ, ينۆەستورلاردىڭ قۇقىقتارىن قورعاۋ جەنە ٶزگە دە ماڭىزدى مەسەلەلەر تالقىلانادى. ونىڭ پٸكٸرٸنشە, مۇنداي ٶزەكتٸ تاقىرىپتار بويىنشا تەجٸريبە الماسۋ ۇيىمنىڭ دامۋىنا جەنە حالىقارالىق بەدەلٸنٸڭ ارتۋىنا ىقپال ەتەدٸ.
كەزدەسۋ بارىسىندا قاسىم-جومارت توقاەۆ قوناقتارعا قازاقستاندا جٷزەگە اسىرىلىپ جاتقان اۋقىمدى ساياسي جەنە قۇقىقتىق رەفورمالار تۋرالى دا مەلٸمەت بەردٸ.
مەملەكەت باسشىسى 1 شٸلدەدەن باستاپ ەلٸمٸزدٸڭ جاڭا كونستيتۋتسيياسى كٷشٸنە ەنەتٸنٸن اتاپ ٶتٸپ, وندا ەگەمەندٸكتٸ, تەۋەلسٸزدٸك پەن اۋماقتىق تۇتاستىقتى قورعاۋ, ازاماتتاردىڭ قۇقىقتارى مەن بوستاندىقتارىن قامتاماسىز ەتۋ, زاڭ ٷستەمدٸگٸن نىعايتۋ سيياقتى نەگٸزگٸ قاعيداتتار بەكٸتٸلگەنٸن ايتتى.
سونىمەن قاتار جاڭا اتا زاڭدا ادام كاپيتالىن, عىلىم مەن بٸلٸمدٸ, يننوۆاتسييانى دامىتۋ ستراتەگييالىق باسىمدىق رەتٸندە ايقىندالىپ, ازاماتتاردىڭ دەربەس دەرەكتەرٸن, ونىڭ ٸشٸندە تسيفرلىق كەڭٸستٸكتەگٸ جەكە مەلٸمەتتەرٸن قورعاۋ تۋرالى نورما العاش رەت ەنگٸزٸلگەن.
پرەزيدەنتتٸڭ سٶزٸنشە, كونستيتۋتسييالىق رەفورمالاردى ٸسكە اسىرۋ ماقساتىندا بەس كونستيتۋتسييالىق زاڭعا قول قويىلىپ, 70-تەن استام كودەكس پەن زاڭعا ٶزگەرٸستەر ەنگٸزٸلگەن.
كەزدەسۋ سوڭىندا مەملەكەت باسشىسى قازاقستاننىڭ تٷركٸ مەملەكەتتەرٸ ۇيىمى اياسىنداعى بارلىق باستامالاردى قولدايتىنىن اتاپ ٶتٸپ, سوت جەنە قۇقىق قورعاۋ سالالارىنداعى ٶزارا ىنتىماقتاستىقتى ودان ەرٸ دامىتۋعا دايىن ەكەنٸن جەتكٸزدٸ.
