پرەزيدەنت قاسىم-جومارت توقاەۆ شانحايدا ٶتكەن دٷنيەجٷزٸلٸك جاساندى ينتەللەكت كونفەرەنتسيياسىنىڭ اشىلۋ رەسٸمٸندە سٶز سٶيلەپ, جاساندى ينتەللەكتٸنٸ دامىتۋداعى حالىقارالىق سەرٸكتەستٸكتٸڭ ماڭىزىن اتاپ ٶتتٸ, دەپ حابارلايدى ult.kz.
مەملەكەت باسشىسى قىتايدىڭ جاساندى ينتەللەكت سالاسىنداعى جەتٸستٸكتەرٸنە جوعارى باعا بەرٸپ, ەلەمدەگٸ جي زەرتتەۋشٸلەرٸنٸڭ جارتىسىنان استامى وسى ەلدٸڭ ٶكٸلدەرٸ ەكەنٸن جەنە پاتەنتتەردٸڭ باسىم بٶلٸگٸ قىتايلىق ماماندارعا تيەسٸلٸ ەكەنٸن ايتتى.
پرەزيدەنت كونفەرەنتسييادا ۇسىنىلعان «بارشا ادامزات يگٸلٸگٸنە قىزمەت ەتەتٸن جاساندى ينتەللەكت» تۇجىرىمداماسىن قولدايتىنىن بٸلدٸرٸپ, تەحنولوگييالىق پروگرەسس ەدٸلدٸك, ٶزارا سەنٸم جەنە حالىقارالىق ىنتىماقتاستىق قاعيداتتارىنا نەگٸزدەلۋٸ قاجەت ەكەنٸن جەتكٸزدٸ.
سٶز بارىسىندا قاسىم-جومارت توقاەۆ جاساندى ينتەللەكتتٸڭ جاھاندىق ەكونوميكاداعى رٶلٸ ارتىپ كەلە جاتقانىن اتاپ ٶتتٸ. ونىڭ ايتۋىنشا, بۇۇ بولجامىنا سەيكەس, 2033 جىلعا قاراي ەلەمدٸك جي نارىعىنىڭ كٶلەمٸ 5 تريلليون دوللارعا جەتۋٸ مٷمكٸن. وسىعان بايلانىستى پرەزيدەنت جي-دٸ باسقارۋدىڭ كەشەندٸ جٷيەسٸن قالىپتاستىرۋ قاجەتتٸگٸن ايتتى.
سونىمەن قاتار مەملەكەت باسشىسى قازاقستاننىڭ بۇل باعىتتاعى باسىمدىقتارىنا توقتالدى. پرەزيدەنتتٸڭ ايتۋىنشا, ەلدە 2026 جىل «تسيفرلاندىرۋ جەنە جاساندى ينتەللەكت جىلى» بولىپ جارييالانىپ, «Digital Kazakhstan-2029» ۇلتتىق ستراتەگيياسى قابىلداندى. سونداي-اق جاساندى ينتەللەكت تۋرالى زاڭ مەن تسيفرلىق كودەكس كٷشٸنە ەندٸ, استانادا Smart City پلاتفورماسى ٸسكە قوسىلىپ, ونى ەلٸمٸزدٸڭ بارلىق ٸرٸ قالالارىنا ەنگٸزۋ جوسپارلانىپ وتىر.
قاسىم-جومارت توقاەۆ الماتىدا بۇۇ ەسكاتو جانىنان ازييا-تىنىق مۇحيتى تسيفرلىق شەشٸمدەر ورتالىعى اشىلاتىنىن دا مەلٸمدەدٸ. بۇدان بٶلەك, قازاقستان دٷنيەجٷزٸلٸك جاساندى ينتەللەكت سالاسىنداعى ىنتىماقتاستىق ۇيىمىنىڭ العاشقى وتىرىسىن استانادا ٶتكٸزۋگە جەنە ونىڭ ورتالىق ازيياداعى ٶكٸلدٸگٸن ەلٸمٸزدە ورنالاستىرۋعا دايىن ەكەنٸن جەتكٸزدٸ.
