Prezident Qasym-Jomart Toqaev Shanhaida ótken Dúniejúzilik jasandy intellekt konferentsiiasynyń ashylý rásiminde sóz sóilep, jasandy intellektini damytýdaǵy halyqaralyq seriktestiktiń mańyzyn atap ótti, dep habarlaidy ult.kz.
Memleket basshysy Qytaidyń jasandy intellekt salasyndaǵy jetistikterine joǵary baǵa berip, álemdegi JI zertteýshileriniń jartysynan astamy osy eldiń ókilderi ekenin jáne patentterdiń basym bóligi qytailyq mamandarǵa tiesili ekenin aitty.
Prezident konferentsiiada usynylǵan «Barsha adamzat igiligine qyzmet etetin jasandy intellekt» tujyrymdamasyn qoldaitynyn bildirip, tehnologiialyq progress ádildik, ózara senim jáne halyqaralyq yntymaqtastyq qaǵidattaryna negizdelýi qajet ekenin jetkizdi.
Sóz barysynda Qasym-Jomart Toqaev jasandy intellekttiń jahandyq ekonomikadaǵy róli artyp kele jatqanyn atap ótti. Onyń aitýynsha, BUU boljamyna sáikes, 2033 jylǵa qarai álemdik JI naryǵynyń kólemi 5 trillion dollarǵa jetýi múmkin. Osyǵan bailanysty Prezident JI-di basqarýdyń keshendi júiesin qalyptastyrý qajettigin aitty.
Sonymen qatar Memleket basshysy Qazaqstannyń bul baǵyttaǵy basymdyqtaryna toqtaldy. Prezidenttiń aitýynsha, elde 2026 jyl «Tsifrlandyrý jáne jasandy intellekt jyly» bolyp jariialanyp, «Digital Kazakhstan-2029» ulttyq strategiiasy qabyldandy. Sondai-aq Jasandy intellekt týraly zań men Tsifrlyq kodeks kúshine endi, Astanada Smart City platformasy iske qosylyp, ony elimizdiń barlyq iri qalalaryna engizý josparlanyp otyr.
Qasym-Jomart Toqaev Almatyda BUU ESKATO janynan Aziia-Tynyq muhity tsifrlyq sheshimder ortalyǵy ashylatynyn da málimdedi. Budan bólek, Qazaqstan Dúniejúzilik jasandy intellekt salasyndaǵy yntymaqtastyq uiymynyń alǵashqy otyrysyn Astanada ótkizýge jáne onyń Ortalyq Aziiadaǵy ókildigin elimizde ornalastyrýǵa daiyn ekenin jetkizdi.
