شىۇ-نىڭ مەرەيتويلىق سامميتٸ اياسىندا قازاقستان پرەزيدەنتٸ قاسىم-جومارت توقاەۆ پەن رەسەي پرەزيدەنتٸ ۆلاديمير پۋتين كەزدەستٸ, دەپ حابارلايدى ult.kz.
كەزدەسۋدە تاراپتار قازاقستان مەن رەسەي اراسىنداعى دوستىق, تاتۋ كٶرشٸلٸك جەنە وداقتاستىق قاتىناستاردىڭ قارقىندى دامىپ كەلە جاتقانىن اتاپ ٶتتٸ.
ۆلاديمير پۋتين قاسىم-جومارت توقاەۆتى قۇرىلتاي سايلاۋىنىڭ تابىستى ٶتۋٸمەن قۇتتىقتادى. رەسەي پرەزيدەنتٸنٸڭ پٸكٸرٸنشە, داۋىس بەرۋ نەتيجەلەرٸ توقاەۆتىڭ قازاقستاندى ودان ەرٸ دامىتۋعا, ٸشكٸ تۇراقتىلىقتى نىعايتۋعا, ەكونوميكانى ٸلگەرٸلەتۋگە جەنە حالىقتىڭ ەل-اۋقاتىن ارتتىرۋعا باعىتتالعان ساياساتىنىڭ قولداۋ تاپقانىن كٶرسەتەدٸ.
توقاەۆ ٶز كەزەگٸندە قۇتتىقتاۋى ٷشٸن پۋتينگە العىس ايتىپ, قازاقستانداعى كونستيتۋتسييالىق رەفورما اياسىنداعى جۇمىستارعا توقتالدى.
«قازاقستاندى جاڭعىرتۋ ٷدەرٸسٸ ۇلتتىق مٷددەمٸزگە ساي جالعاسا بەرەدٸ. اتى بار, زاتى جوق رەفورمالار جٷرگٸزۋگە مٷلدەم بولمايدى. ەڭ الدىمەن, حالقىمىزدىڭ كەلەشەگٸن ويلاۋىمىز قاجەت», – دەدٸ پرەزيدەنت.
مەملەكەت باسشىسى سونداي-اق رەسەيدٸڭ قازاقستاننىڭ باستى ينۆەستيتسييالىق جەنە ساۋدا سەرٸكتەستەرٸنٸڭ بٸرٸ بولىپ قالا بەرەتٸنٸن ايتتى. ونىڭ سٶزٸنشە, ەكٸ ەل اراسىنداعى ساۋدا-ساتتىق كٶلەمٸندە ٶسٸم بايقالادى, ال ٷكٸمەت بۇعان دەيٸن قول قويىلعان كەلٸسٸمدەردٸ ٸسكە اسىرۋعا كٸرٸسكەن.
ۆلاديمير پۋتين دە ەكٸجاقتى بايلانىستاردىڭ بارلىق باعىتتا قارقىندى دامىپ كەلە جاتقانىن اتاپ ٶتتٸ. ول ٶتكەن جىلى ەلدەر اراسىنداعى تاۋار اينالىمى جاقسى كٶرسەتكٸشكە جەتكەنٸن, بيىل دا ٶسٸم بار ەكەنٸن ايتتى.
رەسەي پرەزيدەنتٸ گۋمانيتارلىق بايلانىستاردىڭ جاندانا تٷسكەنٸن دە اتاپ ٶتتٸ. ونىڭ مەلٸمەتٸنشە, قازٸر 60 مىڭ قازاقستاندىق ستۋدەنت رەسەيدٸڭ جوعارى وقۋ ورىندارىندا بٸلٸم الىپ جاتىر. سونىمەن قاتار ومبىدا قازاقستاننىڭ جوعارى وقۋ ورنىنىڭ فيليالى اشىلعان.
كەزدەسۋ بارىسىندا تاراپتار ساۋدا-ەكونوميكالىق جەنە ينۆەستيتسييالىق ىنتىماقتاستىقتى نىعايتۋ, بٸرلەسكەن جوبالاردى ٸسكە اسىرۋ مەسەلەلەرٸن تالقىلادى. سونداي-اق حالىقارالىق جەنە ٶڭٸرلٸك كٷن تەرتٸبٸندەگٸ ٶزەكتٸ مەسەلەلەر جٶنٸندە پٸكٸر الماستى.
