پرەزيدەنت قاسىم-جومارت توقاەۆتىڭ تٶراعالىعىمەن اسا ماڭىزدى مينەرالدار, سونىڭ ٸشٸندە سيرەك كەزدەسەتٸن مەتالدار سالاسىن دامىتۋ مەسەلەلەرٸ بويىنشا قاۋٸپسٸزدٸك كەڭەسٸنٸڭ وتىرىسى ٶتتٸ, دەپ حابارلايدى ult.kz.
مەملەكەت باسشىسى قازاقستاننىڭ تابيعي رەسۋرستار قورى مەن ٶندٸرٸستٸك ەلەۋەتٸ جاعىنان ورتالىق ازييادا جەتەكشٸ ورىن الاتىنىن اتاپ ٶتتٸ. پرەزيدەنت قازٸرگٸ گەوساياسي جاعدايدا بۇل مٷمكٸندٸكتەردٸ ەل مٷددەسٸنە تيٸمدٸ پايدالانۋ قاجەت ەكەنٸن ايتتى.
«قازبا بايلىعى مول ەلدەر ٷشٸن ەلەمدەگٸ قازٸرگٸ احۋال تيٸمدٸ ەرٸ بٸرەگەي مٷمكٸندٸكتەرگە جول اشىپ وتىر», – دەدٸ قاسىم-جومارت توقاەۆ.
پرەزيدەنتتٸڭ ايتۋىنشا, ەلەمدە اسا ماڭىزدى ماتەريالدارعا قول جەتكٸزۋ ٷشٸن مەملەكەتتەر اراسىنداعى بەسەكەلەستٸك كٷشەيٸپ كەلەدٸ. بۇل رەسۋرستار جوعارى تەحنولوگييالىق سالالاردى دامىتۋ ٷشٸن ستراتەگييالىق ماڭىزعا يە.
وسىعان بايلانىستى قازاقستان قولدا بار تابيعي رەسۋرستارى مەن ٶندٸرٸستٸك ەلەۋەتٸن تيٸمدٸ پايدالانىپ, ٶندٸرٸس تٸزبەگٸن كەزەڭ-كەزەڭٸمەن دامىتۋى قاجەت.
جيىندا ٷكٸمەت مٷشەلەرٸ سالانىڭ قازٸرگٸ جاعدايى, مينەرالدىق رەسۋرستار قورىن يگەرۋ پەرسپەكتيۆالارى, شيكٸزاتتى قايتا ٶڭدەۋدٸ دامىتۋ جەنە سالاداعى نەگٸزگٸ مەسەلەلەر تۋرالى باياندادى.
وتىرىس قورىتىندىسىندا ٷكٸمەت پەن جاۋاپتى مەملەكەتتٸك ورگاندارعا بٸرقاتار تاپسىرما بەرٸلدٸ. اتاپ ايتقاندا, گەولوگييالىق بارلاۋ مەن قايتا ٶڭدەۋدٸ دامىتۋ, تەحنوگەندٸك مينەرالدىق تٷزٸلٸمدەردٸ ەكونوميكالىق اينالىمعا ەنگٸزۋ, زەرتحانالىق بازانى كٷشەيتۋ جەنە بٸلٸكتٸ كادرلار دايارلاۋ مەسەلەلەرٸنە باسىمدىق بەرٸلمەك.
سونىمەن قاتار سالاداعى رەتتەۋ تەتٸكتەرٸن جەتٸلدٸرٸپ, ەكٸمشٸلٸك كەدەرگٸلەردٸ جويۋ تاپسىرىلدى.
