Prezident Qasym-Jomart Toqaevtyń tóraǵalyǵymen asa mańyzdy mineraldar, sonyń ishinde sirek kezdesetin metaldar salasyn damytý máseleleri boiynsha Qaýipsizdik Keńesiniń otyrysy ótti, dep habarlaidy ult.kz.
Memleket basshysy Qazaqstannyń tabiǵi resýrstar qory men óndiristik áleýeti jaǵynan Ortalyq Aziiada jetekshi oryn alatynyn atap ótti. Prezident qazirgi geosaiasi jaǵdaida bul múmkindikterdi el múddesine tiimdi paidalaný qajet ekenin aitty.
«Qazba bailyǵy mol elder úshin álemdegi qazirgi ahýal tiimdi ári biregei múmkindikterge jol ashyp otyr», – dedi Qasym-Jomart Toqaev.
Prezidenttiń aitýynsha, álemde asa mańyzdy materialdarǵa qol jetkizý úshin memleketter arasyndaǵy básekelestik kúsheiip keledi. Bul resýrstar joǵary tehnologiialyq salalardy damytý úshin strategiialyq mańyzǵa ie.
Osyǵan bailanysty Qazaqstan qolda bar tabiǵi resýrstary men óndiristik áleýetin tiimdi paidalanyp, óndiris tizbegin kezeń-kezeńimen damytýy qajet.
Jiynda Úkimet músheleri salanyń qazirgi jaǵdaiy, mineraldyq resýrstar qoryn igerý perspektivalary, shikizatty qaita óńdeýdi damytý jáne saladaǵy negizgi máseleler týraly baiandady.
Otyrys qorytyndysynda Úkimet pen jaýapty memlekettik organdarǵa birqatar tapsyrma berildi. Atap aitqanda, geologiialyq barlaý men qaita óńdeýdi damytý, tehnogendik mineraldyq túzilimderdi ekonomikalyq ainalymǵa engizý, zerthanalyq bazany kúsheitý jáne bilikti kadrlar daiarlaý máselelerine basymdyq berilmek.
Sonymen qatar saladaǵy retteý tetikterin jetildirip, ákimshilik kedergilerdi joiý tapsyryldy.
