قازاقستان پرەزيدەنتٸ قاسىم-جومارت توقاەۆ اقش كونگرەسٸ ٶكٸلدەر پالاتاسىنىڭ دەلەگاتسيياسىمەن كەزدەستٸ. دەلەگاتسييانى ٶكٸلدەر پالاتاسىنىڭ بيۋدجەت جەنە سالىق جٶنٸندەگٸ كوميتەتٸنٸڭ تٶراعاسى دجەيسون سميت باستاپ كەلدٸ, دەپ حابارلايدى ult.kz.
كەزدەسۋگە كونگرەسس مٷشەلەرٸ گرەگ مەرفي, كەرول ميللەر, رونني دجەكسون, ۋەسلي بەلل جەنە ەدۆارد كەيس قاتىستى.
قاسىم-جومارت توقاەۆ امەريكالىق دەلەگاتسييانىڭ قازاقستانعا ساپارىنىڭ ەلدەگٸ بٸر پالاتالى قۇرىلتاي سايلاۋىمەن تۇسپا-تۇس كەلۋٸنٸڭ سيمۆولدىق مەنٸ بار ەكەنٸن اتاپ ٶتتٸ. پرەزيدەنتتٸڭ ايتۋىنشا, پارلامەنت سايلاۋى قازاقستانداعى ساياسي جاڭعىرۋدىڭ جاڭا كەزەڭٸن كٶرسەتەتٸن تاريحي وقيعا بولدى. ال بٸر پالاتالى قۇرىلتاي زاڭ شىعارۋ ٷدەرٸسٸنٸڭ تيٸمدٸلٸگٸ مەن زاڭداردىڭ ساپاسىن ارتتىرۋعا مٷمكٸندٸك بەرەدٸ.
مەملەكەت باسشىسى پارلامەنتتٸك ديپلوماتييا جاڭا ورگان قىزمەتٸنٸڭ ماڭىزدى باعىتتارىنىڭ بٸرٸ بولاتىنىن ايتتى.
«اقش كونگرەسٸ مەن قۇرىلتاي مٷشەلەرٸ اراسىنداعى كونسترۋكتيۆتٸ ەرٸ مازمۇندى ديالوگ ٶزارا تٷسٸنٸستٸكتٸ تەرەڭدەتٸپ, ورتاق باسىمدىقتاردى ٸلگەرٸلەتۋ جەنە قازاق-امەريكا سەرٸكتەستٸگٸن نىعايتۋ تۇرعىسىنان ايرىقشا مەنگە يە», – دەدٸ پرەزيدەنت.
كەزدەسۋ بارىسىندا قازاقستاندا جٷرگٸزٸلٸپ جاتقان ساياسي جەنە ەلەۋمەتتٸك-ەكونوميكالىق رەفورمالار, باسقارۋ جٷيەسٸن جاڭعىرتۋ جەنە ەدٸلەتتٸ ەرٸ وزىق مەملەكەت قۇرۋ باعىتتارى دا سٶز بولدى.
سونىمەن قاتار تاراپتار ساۋدا-ەكونوميكالىق جەنە ينۆەستيتسييالىق بايلانىستاردى, وزىق تەحنولوگييالار, عىلىم, بٸلٸم جەنە مەدەنيەت سالالارىنداعى ىنتىماقتاستىقتى تالقىلادى.
توقاەۆ قازاقستان مەن اقش اراسىنداعى قارىم-قاتىناستار پرەزيدەنت دونالد ترامپپەن قالىپتاسقان سەنٸمدٸ ەرٸ كونسترۋكتيۆتٸ ديالوگتىڭ ارقاسىندا بۇرىن-سوڭدى بولماعان دەڭگەيگە كٶتەرٸلگەنٸن اتاپ ٶتتٸ. سونداي-اق ەكٸ ەلدٸڭ يادرولىق قاۋٸپسٸزدٸك پەن جاپپاي قىرىپ-جويۋ قارۋىن تاراتپاۋ باعىتىنداعى ىنتىماقتاستىعىنا توقتالدى.
ٶز كەزەگٸندە دجەيسون سميت قاسىم-جومارت توقاەۆقا دەلەگاتسييانى ارنايى قابىلداعانى ٷشٸن العىس ايتىپ, اقش پرەزيدەنتٸ دونالد ترامپتىڭ سەلەمٸن جەتكٸزدٸ.
كونگرەسسمەننٸڭ ايتۋىنشا, ترامپ قازاقستان پرەزيدەنتٸمەن قالىپتاسقان سەنٸمدٸ قارىم-قاتىناستى جوعارى باعالايدى. سونداي-اق ول توقاەۆتى G20 سامميتٸنە قاتىسۋ ٷشٸن ماياميدە كٷتەتٸنٸن جەتكٸزدٸ.
كەزدەسۋ سوڭىندا قاسىم-جومارت توقاەۆتىڭ ماياميگە جوسپارلانعان ساپارى قازاقستان مەن اقش اراسىنداعى كەڭەيتٸلگەن ستراتەگييالىق سەرٸكتەستٸككە جاڭا سەرپٸن بەرەتٸنٸنە سەنٸم بٸلدٸردٸ.
