اتىراۋداعى №2 قالالىق سوتىندا وبلىستىق دەنساۋلىق ساقتاۋ باسقارماسىنىڭ بۇرىنعى باسشىسى مەنشٷك ايمۇرزيەۆاعا قاتىستى ٸس قارالىپ جاتىر. العاشقى سوت وتىرىسى 24 اقپاندا ٶتتٸ, دەپ حابارلايدى "ۇلت اقپارات".
وبلىستىق سوتتىڭ باسپاسٶز قىزمەتٸنەن مەلٸم ەتكەندەي, سوتقا دەيٸنگٸ تەرگەۋ جەدەلدەتٸلگەن رەجيمدە قارالعان. سەبەبٸ باسقارمانىڭ ەكس-باسشىسى مەنشٷك ايمۇرزيەۆا ٶز كٸنەسٸن مويىنداپ, پروتسەسسۋالدى كەلٸسٸم جاساۋعا نيەت بٸلدٸردٸ. وسىعان وراي ونىڭ ٸسٸ كۋەگەرلەرسٸز قارالۋدا. ول قىلمىستىق كودەكستٸڭ 371-بابى 2-بٶلٸگٸ بويىنشا (اۋىر سالدارعا ەكەلٸپ سوققان سالعىرتتىق) ايىپتالۋدا.
ەڭ الدىمەن, وعان جاڭا تۋعان شاقالاقتاردىڭ ٶلٸم-جٸتٸ بويىنشا ستاتيستيكالىق مەلٸمەتتەردٸ بۇرمالادى دەگەن ايىپ تاعىلۋدا. زارداپ شەگۋشٸ تاراپ – اتىراۋ وبلىسىنىڭ ەكٸمدٸگٸ. تەرگەۋدٸ سىيبايلاس جەمقورلىققا قارسى ٸس-قيمىل دەپارتامەنتٸ جٷرگٸزدٸ.
سوتتىڭ كەلەسٸ وتىرىسى 27 اقپاندا جالعاسادى.
ەسكە سالايىق, 2019 جىلدىڭ قىركٷيەك ايىنىڭ سوڭىندا اتىراۋ وبلىسىندا پەريناتالدىق ورتالىقتىڭ باس دەرٸگەرٸ مەن گينەكولوگى جاڭا تۋعان نەرەستەنٸ توڭازىتقىش كامەراسىنا سالىپ ٶلتٸردٸ دەگەن كٷدٸككە ٸلٸنگەن بولاتىن. كەيٸن پەريناتالدىق ورتالىقتا جۇمىس ٸستەيتٸن 35 مەديتسينالىق قىزمەتكەر ٶز ەركٸمەن جۇمىستان شىعۋعا ارىز جازدى.
مەنشٷك ايمۇرزيەۆا ەلدٸ دٷرلٸكتٸرگەن وسى وقيعادان كەيٸن بىلتىرعى قازاندا وبلىستىق دەنساۋلىق ساقتاۋ باسقارماسىنىڭ باسشىسى قىزمەتٸنەن ٶز ەركٸمەن كەتتٸ. ول بۇل لاۋازىمعا 2017 جىلدىڭ سەۋٸرٸندە كەلگەن بولاتىن. سول جىلى ونىڭ بۇيرىعىمەن وبلىستىق پەرزەنتحانانىڭ باس دەرٸگەرٸ قىزمەتٸنە قۋانىش نىسانباەۆ تاعايىندالعان ەدٸ.
