بٷگٸن اتىراۋ سوتى وبلىستىق پەريناتالدىق ورتالىقتىڭ دەرٸگەرلەرٸنە جاڭا تۋعان نەرەستەنٸ قاساقانا ٶلتٸردٸ دەگەن ايىپپەن ٷكٸم شىعاردى, دەپ حابارلايدى "ۇلت اقپارات".
«قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىنىڭ شەشٸمٸمەن كٸنەلٸ دەپ تانىلعان وبلىستىق پەريناتالدىق ورتالىقتىڭ بۇرىنعى باس دەرٸگەرٸ قۋانىش نىسانباەۆ - 18 جىلعا, اكۋشەر-گينەكولوگ اسقار قايىرجان 16 جىلعا, اكۋشەر جەميلا قۇلباتىروۆا 15 جىلعا باس بوستاندىعىنان ايىرىلدى. ولارعا قر قىلمىستىق كودەكسٸنٸڭ 99-بابى, 2-بٶلٸگٸ, 3,7,14-تارماقتارىمەن ايىپ تاعىلدى. نەوناتولوگ دەرٸگەرلەر رۋسلان نۇرمۇحامبەتوۆ پەن داريعا جۇماباەۆانىڭ ٷش جىلعا باس بوستاندىعى شەكتەلدٸ. ولار قىلمىس تۋرالى حابارلاماعانى ٷشٸن سوتتالدى» دەپ حابارلادى وبلىستىق سوتتىڭ باسپاسٶز قىزمەتٸ.
