ۇزاق جىلدار قازاقستاندىق گەنناديي گولوۆكيننٸڭ (38-1-1, 34 كو) ٸسٸن جٷرگٸزٸپ كەلە جاتقان پروموۋتەر توم لەففلەر BoxingScene باسىلىمىنا بەرگەن سۇحباتىندا قازاقستاندىقتىڭ بوكستان كەتۋٸنە نە سەبەپ بولاتىنىن ايتتى, دەپ حابارلايدى "ۇلت اقپارات" Vesti.kz پورتالىنا سٸلتەمە جاساپ.
35 جاستاعى قازاقستاندىق سوڭعى رەت 15 قىركٷيەك لاس-ۆەگاستا مەكسيكالىق ساۋل "كانەلو" الۆارەسپەن (50-1-2, 34 كو) جۇدىرىقتاسىپ, تٶرەشٸلەر شەشٸمٸ بويىنشا جەڭٸلگەن.
وسىلايشا, گولوۆكين WBC, WBA (Super) جەنە IBO بەلبەۋلەرٸنەن ايىرىلدى. قارىمتادان كەيٸن ەكٸ بوكسشى دا ٷشٸنشٸ رەت جۇدىرىقتاسۋعا دايىن ەكەندەرٸن مەلٸمدەگەن ەدٸ. ال GGG كومانداسى مەكسيكالىقپەن قارىمتا بيىلعا سوڭعى جەكپە-جەك ەكەنٸن ايتىپ وتىر. قازاقستاندىق رينگكە تەك كەلەسٸ جىلى كٶكتەمدە ورالادى.
"باسىنان-اق ەشقانداي ۋاقىت شەكتەۋٸ بولعان جوق. گەنناديي سپورتتان اينالىسۋعا زاۋقى سوقپاي, قىزىعى جوعالعاندا عانا كەتەتٸن بوكسشى. تالقىلايتىن ەڭگٸمە ونىڭ جاسى ەمەس, الۆارەسپەن جەكپە-جەكتەگٸ تٶرەشٸلەردٸڭ ەدٸلەتسٸزدٸگٸ. ٶيتكەنٸ ول ەكٸ رەت تە جەڭگەن. تٶرەشٸلەردٸڭ جازعانى رينگتە بولىپ جاتقاندى ٷنەمٸ انىق جەتكٸزە بەرمەيدٸ جەنە جالپى قابىلداۋعا سەيكەسپەي قالادى. بٸراق بۇل بٶلەك ەڭگٸمە. ەزٸرگە گەنناديي كٶڭٸل كٶتەرٸپ, جاقسى جەكپە-جەكتەرگە شاقىرۋلار بارىن بايقاپ جٷر, ال ونىڭ تانىمالدىعى بۇرىنعىدان جوعارى. جانكٷيەرلەر ونى قارىمتادا جەڭدٸ دەپ بٸلەدٸ جەنە ول چەمپيون بولىپ قالۋ كەرەك دەپ ەسەپتەيدٸ. بٸز بەۆەرلي حيللستاعى دەمەۋشٸلەردٸڭ بٸرٸنە كەلگەن ەدٸك, سۋرەت پەن قولتاڭبا سۇراعان تابىنۋشىلارى قورشاپ العاندىقتان, كٶشەنٸڭ ارعى بەتٸنە ٶتە المادىق. جالپى الۆارەسپەن قارىمتادان كەيٸن ول ەيگٸلٸ بولا تٷستٸ", - دەيدٸ لەففلەر.
سونىمەن بٸرگە, گولوۆكين "كانەلومەن" جۇدىرىقتاسۋدى سۇراپ, WBC ارقىلى بۇعان قالايدا قول جەتكٸزبەك ەكەنٸ حابارلاندى.
