جەتٸسۋ وبلىسىنىڭ دەنساۋلىق ساقتاۋ باسقارماسى تاسجولدا ٶرتەندٸ دەگەن جەدەل جەردەم كٶلٸگٸنە قاتىستى وقيعانىڭ مەن-جايىن ايتىپ بەردٸ, - دەپ حابارلايدى Massaget.kz پورتالى.
بۇعان دەيٸن پوليتسييا الماتى-ٶسكەمەن تاسجولىندا تولعاتقان ەيەلدٸ الىپ بارا جاتقان جەدەل جەردەم كٶلٸگٸ ٶرتەنگەنٸن حابارلاعان ەدٸ. جاقىن ماڭداعى پوليتسييانىڭ اۆتوپاترۋل قىزمەتٸ جٷكتٸ ەيەلدٸ اۋرۋحاناعا جەتكٸزگەن. Polisia.kz مەلٸمەتٸنشە, جەدەل جەردەم كٶلٸگٸ ەرٸ قاراي جەتە الماعان.
"دەرٸگەرلەر قابانباي اۋىلىنان تولعاعى قىسىپ, اۋىرعان جٷكتٸ ناۋقاستى ٷشارال قالاسىنا جەتكٸزبەك بولعانى بەلگٸلٸ بولدى. بٸزدٸڭ قىزمەتكەرلەر ايدىن عازيزوۆ پەن دانييار جاقسىگەلدينوۆ ەيەلدٸ دەرەۋ پوليتسييا پاترۋلٸنە سالىپ, اۋرۋحاناعا جەتكٸزدٸ, وعان قاجەتتٸ كٶمەك كٶرسەتٸلدٸ", - دەدٸ جەتٸسۋعا وبلىستىق پوليتسييا دەپارتامەنتٸ پپب باستىعىنىڭ ورىنباسارى ابىلاي بەركەندٸكوۆ.
الايدا دەنساۋلىق ساقتاۋ باسقارماسى ٶكٸلدەرٸ باسقا مەلٸمەت ايتتى. ولاردىڭ ايتۋىنشا, كٶلٸكتە ٶرت بولماعان. ولاردىڭ مەلٸمەتٸ بويىنشا, 36 جاستاعى جٷكتٸ ەيەلدٸ الاكٶل ورتالىق اۋداندىق اۋرۋحاناسىنا جەتكٸزۋ كەزٸندە جول پوليتسيياسىنىڭ قىزمەتكەرلەرٸ سانيتارلىق كٶلٸكتٸ ٷشارال قالاسىنداعى كٶپٸر الدىنداعى ساقينادا گاز شىعاراتىن تٷتٸكتەن تٷتٸن شىققاندىعىنا بايلانىستى توقتاتقان.
"اۆتوكٶلٸكتٸ تەكسەرۋ كەزٸندە ونىڭ سەبەبٸ انىقتالدى. بەرٸلٸس قورابىنىڭ تىعىزداعىشىنان مايدىڭ اعۋى انىقتالىپ, جويىلدى. ٶرت بەلگٸلەرٸ مەن ەلەكتر سىمدارى, بوياۋ جەنە قوزعالتقىش بٶلٸكتەرٸنٸڭ زاقىمدانۋى انىقتالعان جوق. جول پوليتسيياسىنىڭ باستاماسىمەن جٷكتٸ ەيەل ۋچاسكەلٸك دەرٸگەر مەن اكۋشەردٸڭ باقىلاۋىمەن الاكٶل ورتالىق اۋرۋحاناسىنا جەتكٸزٸلدٸ", - دەدٸ دەرٸگەرلەر.
كەيٸنٸرەك جٷرگٸزۋشٸ اۋداندىق ورتالىق اۋرۋحاناعا بارعان. وندا كٶلٸكتٸ قوسىمشا اۋرۋحانانىڭ اعا مەحانيگٸ تەكسەرگەن.
"ٶرت بەلگٸلەرٸ, اقاۋلار تابىلمادى, سوعان بايلانىستى جول جٷرۋ جالعاستى. قايتار جولدا كٶگٸرٸم اسۋىندا ولاردى جول پوليتسيياسى قىزمەتكەرلەرٸ توقتاتىپ, ولاردىڭ باستاماسى مەن ۇسىنىستارى بويىنشا جازبا جاسالعان. قىزمەتكەرلەر دٸتتەگەن جەرٸنە امان-ەسەن جەتتٸ", - دەپ تولىقتىردى جەتٸسۋ وبلىسىنىڭ دەنساۋلىق ساقتاۋ باسقارماسى ٶكٸلدەرٸ.
