دٷيسەنبٸ كٷنٸ تاڭەرتەڭ توكيوعا سۇراپىل تايفۋن كەلدٸ. 30-دان استام ادام جاراقات الدى. ەل استاناسىنىڭ ٸرٸ تەمٸر جول وپەراتورلارى جۇمىستارىن توقتاتۋعا مەجبٷر بولدى, دەپ حابارلايدى قازاقپارات KYODO-عا سٸلتەمە جاساپ.
شامامەن تاڭعى 5-تە فاكساي تايفۋنى تيبا قالاسىنىڭ اۋماعىنا كەلٸپ جەتكەندٸكتەن, East Japan Railway Co. كومپانيياسى ٷلكەن توكيو اۋدانىنداعى قوزعالىسىن توقتاتتى. تەمٸر جولدار تەكسەرٸستەن ٶتكەننەن كەيٸن JR East كومپانيياسى ساعات 10-عا قاراي جۇمىسىن قايتا باستايتىن بولادى.
جەرگٸلٸكتٸ بيلٸك ٶكٸلدەرٸنٸڭ حابارلاماسىنا سەيكەس, تيبا پرەفەكتۋراسىنىڭ تاتەياما قالاسىندا جەنە جاقىن ماڭداعى ٶڭٸرلەردە وننان استام, ال تيبادا 10 ادام جاراقات العان. كاناگاۆا پرەفەكتۋراسىندا تاعى دا 5 ادام جارالانعان.
بۇل ماۋسىمداعى 15-شٸ تايفۋن يباراكي پرەفەكتۋراسىنىڭ ميتو قالاسىنان سەكۋندىنا 30 شاقىرىم جىلدامدىقپەن تاڭعى 8-گە قاراي وڭتٷستٸك-باتىسقا جىلجىدى.
جاپونييالىق مەتەورولوگييالىق اگەنتتٸكتٸڭ مەلٸمەتٸنشە, تايفۋننىڭ ورتاسىنداعى اتموسفەرالىق قىسىم 960گپا (گەكتوپاسكال) قۇرادى, ال جەلدٸڭ جىلدامدىعى ساعاتىنا 216 شاقىرىم بولدى. مەتەوقىزمەت قاتتى جاۋىن-شاشىننان كەيٸن سەل كٶشكٸنٸنٸڭ نەمەسە سۋ تاسقىنىنىڭ بولۋى مٷمكٸن ەكەنٸن ەسكەرتتٸ.
Tokyo Electric Power Company Holdings Inc مەلٸمەتٸنشە, تيبا جەنە كاناگاۆا پرەفەكتۋرالارىنداعى 920 تۇرعىن ٷي ۋاقىتشا جارىقسىز قالعان. توكايدو-سينكانسەن باعىتىنداعى توكيو جەنە وداۆارا ستانسالارىنىڭ اراسىنداعى جولداردا قوقىس پەن قالدىقتار جينالعان سوڭ, Central Japan Railway Co كومپانيياسى ساعات 7:40-تا جولاۋشىلار تاسىمالدايتىن جٷردەك پويىزداردىڭ قوزعالىسىن جاڭارتتى.
توكييانىڭ حانەدا ەۋەجايىنان ۇشىپ, قوناتىن كٶپتەگەن رەيستەر جەكسەنبٸ كٷنٸ كەشكٸسٸن توقتاتىلا باستادى.
دٷيسەنبٸ تاڭىنان 24 ساعات بۇرىن سيدزۋوكا پرەفەكتۋراسىنداعى يدزۋ قالاسىنا 440 ميلليمەتردەن استام جاۋىن-شاشىن تٷستٸ.
بۇل تيبا پرەفەكتۋراسىنا كەلگەن 9-شى تايفۋن. سوڭعى تايفۋن پرەفەكتۋرادا 2016 جىلعى تامىزدا سوققان.
