بوكستان قازاقستان ەرلەر قۇراماسىنىڭ باس باپكەرٸ عالىمبەك كەنجەباەۆ شەكٸرتتەرٸنٸڭ توكيو تٶرٸندە قالاي تاماقتانىپ جٷرگەنٸ تۋرالى مەلٸمەت بەردٸ, دەپ حابارلايدى قازاقپارات.
توكيودان باق ٶكٸلدەرٸمەن Zoom ارقىلى تٸكەلەي بايلانىسقا شىققان باس باپكەر وليمپيادا قالاشىعىندا سپورتشىلار جاسالعان جاعدايعا كٶڭٸلدەرٸ تولاتىنىن ايتتى.
«بەرٸمٸز مۇنداعى جاعدايعا بوي ٷيرەتٸپ بولدىق. جاسالعان جاعداي قالىپتى, تازا, سپورتشىلارعا ارنالعان. بۇل جەرگە بٸز دەمالۋعا كەلگەن جوقپىز عوي. سپورتشىلاردىڭ تىنىعۋىنا قاجەت جاعدايدىڭ بەرٸ بار. كەلدٸڭ, تىنىقتىڭ, جاتتىعۋ جاساپ, جۋىندىڭ. ول ٷشٸن بەرٸ بار. تاعامدارى دا الۋان تٷرلٸ. تٷرلٸ اسحانالار بار. ٸشٸنەن ٶزٸڭە قاجەتتٸسٸن تاڭداپ الۋعا بولادى. ۇلتتىق وليمپيادا كوميتەتٸ دە شەت قالىپ جاتقان جوق. ەر كەزدەگٸدەي قوسىمشا توڭازىتقىشقا بەرٸن ۇيىمداستىرعانبىز. ەردايىم ٶزٸمٸزبەن بٸرگە قوسىمشا تاماق الىپ جٷرەمٸز. مەيٸز, جاڭعاق, بال, سيياقتى اعزاعا قاجەت ٶنٸمدەر بار. ازداپ قازى دا بار. بۇل بٸرٸنشٸ جارىس ەمەس. سوندىقتان, بٸزگە بوي ٷيرەتۋ ٷيرەنشٸكتٸ جايت», - دەدٸ عالىمبەك كەنجەباەۆ.
باس باپكەر بٷكٸل ەلەم ەڭگٸمە ەتٸپ جٷرگەن وليمپيادا قالاشىعىنداعى پلاستيك تٶسەكتەر تۋرالى دا ويىن بٸلدٸردٸ.
«بٸرٸنشٸدەن, بۇل تٶسەكتەر ۇيىقتاۋعا ٶتە قولايلى. مەن العاشىندا ونىڭ كارتون ەكەنٸن بايقاعان جوقپىن. كەيٸن عانا كٶردٸم. ال ماتراسى ٶتە جايلى», - دەدٸ بوكسشىلاردىڭ باپكەرٸ.
