توكيو پرەفەكتۋراسىنىڭ تەفۋ قالاسىندا قولىندا پىشاعى بار ەر ادام پويىز جولاۋشىلارىنا شابۋىل جاسادى. Keio تەمٸرجول كومپانيياسىنا تيەسٸلٸ پويىزداعى وقيعا كەزٸندە 17 ادام زارداپ شەككەن, دەپ حابارلايدى قازاقپارات NHK تەلەكانالىنا سٸلتەمە جاساپ.
جاراقات العان ادامداردىڭ ٸشٸندە بٸر ناۋقاس ەس-تٷسسٸز جاتىر. قىلمىسكەر پويىزدا تەز جاناتىن سۇيىق تٶگٸپ, ونى ٶرتەگەن. وتتان ۆاگوننىڭ بٸرنەشە ورىندىعى كٷيٸپ قالدى.
شابۋىل پويىز بٸر ستانسادان شىعىپ ەكٸنشٸسٸنە بارا جاتقان كەزدە بولعان.
پوليتسييا قىلمىسكەردٸ پويىز كەلەسٸ پلاتفورماعا جەتكەن كەزدە ۇستادى. ەر ادام تەرتٸپ ساقشىلارىنا قارسىلىق كٶرسەتپەگەن. ول ٶزٸنٸڭ ەرەكەتٸن «ەكٸ نە ودان دا كٶپ ادام ٶلتٸرٸپ, سوتتا ٶلٸم جازاسىن العىم كەلەدٸ» دەپ تٷسٸندٸرگەن.
قىلمىس بولعان جەلٸدە پويىزدار قوزعالىسى تولىق توقتاتىلدى.
