Tokio prefektýrasynyń Tefý qalasynda qolynda pyshaǵy bar er adam poiyz jolaýshylaryna shabýyl jasady. Keio temirjol kompaniiasyna tiesili poiyzdaǵy oqiǵa kezinde 17 adam zardap shekken, dep habarlaidy QazAqparat NHK telekanalyna silteme jasap.
Jaraqat alǵan adamdardyń ishinde bir naýqas es-tússiz jatyr. Qylmysker poiyzda tez janatyn suiyq tógip, ony órtegen. Ottan vagonnyń birneshe oryndyǵy kúiip qaldy.
Shabýyl poiyz bir stansadan shyǵyp ekinshisine bara jatqan kezde bolǵan.
Politsiia qylmyskerdi poiyz kelesi platformaǵa jetken kezde ustady. Er adam tártip saqshylaryna qarsylyq kórsetpegen. Ol óziniń áreketin «eki ne odan da kóp adam óltirip, sotta ólim jazasyn alǵym keledi» dep túsindirgen.
Qylmys bolǵan jelide poiyzdar qozǵalysy tolyq toqtatyldy.
