توكيوداعى وليمپيادا جەنە پاراليمپيادا ويىندارىنىڭ باستالۋىنا سەگٸز اي قالعاندا وليمپيادا ستاديونىنىڭ قۇرىلىسى اياقتالدى, دەپ حابارلايدى "ۇلت اقپارات" ۇوك سايتىنا سٸلتەمە جاساپ.
سالتاناتتى رەسٸمگە جاپونييانىڭ پرەمەر-مينيسترٸ سيندزو ابە, توكيو گۋبەرناتورى يۋريكو كويكە جەنە سەۋلەتشٸ كەنگو كۋما مەن باق ٶكٸلدەرٸ قاتىسىپ, وليمپيادا ويىندارىنىڭ بەلگٸسٸ بولاتىن نىساندى كٶرٸپ شىقتى.
وليمپيادا جەنە پاراليمپيادا ويىندارىنىڭ اشىلۋ جەنە جابىلۋى ٶتەتٸن, سونداي-اق فۋتبول ماتچتارىن ٶتكٸزەتٸن ورىن كٶرەرمەندەرگە ۇمتىلماس ەسەر قالدىراتىنى انىق.
«بٸز بٷكٸل ەلەمنٸڭ سپورتشىلارىن 2020 جىلدىڭ 24 شٸلدەسٸندە ٶتەتٸن وليمپيادا جەنە 2020 جىلدىڭ 25 تامىزىندا بولاتىن پاراليمپيادا ويىندارىنىڭ اشىلۋ سالتاناتىندا دٷنيەجٷزٸ كٶز تٸگەتٸن توكيو 2020 ويىندارىن وسى ستاديوندا كٶرەتٸنٸمٸزگە قۋانىشتىمىز», - دەدٸ توكيو 2020 وليمپيادا ويىندارىنىڭ ۇيىمداستىرۋ كوميتەتٸنٸڭ باس ديرەكتورى توشيرو مۋتو.
بۇل ورىننىڭ جوباسىن قۇراستىرعان تانىمال سەۋلەتشٸ كەنگو كۋما نەگٸزگٸ باسىمدىقتى ەكولوگييالىق مەنگە بەرگەن. وسىنى ەسكەرە وتىرىپ, ستاديون اينالاسىنداعى تابيعاتقا, ونىڭ ٸشٸندە مەيدجي تسزين عيباداتحاناسىنىڭ جانىنداعى ٷلكەن جاسىل ايماققا سەيكەس كەلۋٸ كەرەك ەكەنٸنە مەن بەرگەن. سوندىقتان كۋما عيمارات «جاندى اعاش» دەپ ٶزٸ اتاعان اعاشتار مەن تالداردان تۇرۋى كەرەك دەپ شەشكەن.
ستاديون اۋماعىندا 47 مىڭنان استام ورتاشا جەنە الاسا اعاش وتىرعىزىلدى.
وليمپيادا ستاديونىندا 2020 جىلدىڭ 1 قاڭتارىندا JFA فۋتبولدان جاپونييا يمپەراتورىنىڭ 99-شى كۋبوگى ٶتەدٸ.
