جەڭٸل اتلەتيكادان لوندون وليمپياداسىنىڭ چەمپيونى, جازعى وليمپيادانىڭ جٷلدەلەر جيىنتىعىنىڭ تولىق يەگەرٸ ولگا رىپاكوۆا جەنە بوكستان ۇلتتىق قۇرامانىڭ كاپيتانى, ەلەم چەمپيوناتىنىڭ ەكٸ دٷركٸن جٷلدەگەرٸ قامشىبەك قوڭقاباەۆ توكيودا قازاقستان وليمپيادا قۇراماسىنىڭ تۋ ۇستاۋشىلارى رەتٸندە تاڭدالدى. بۇل تۋرالى بٷگٸن ۇلتتىق وليمپيادا كوميتەتٸنەن مەلٸم ەتتٸ, دەپ حابارلايدى "ۇلت اقپارات".
تۋ ۇستاۋشىلاردى قازاقستان ۇلتتىق وليمپيادا كوميتەتٸنٸڭ اتلەتتەر كوميسسيياسى ۇسىنعان.
«تاريحي توكيو وليمپياداسىنىڭ باستالۋىنا بٸر ايدان از ۋاقىت قالدى. ساعىنا كٷتكەن وليمپيادا ويىندارى ٶتەدٸ جەنە دە وعان قازاقستان ماقتانىشپەن ٶزٸنٸڭ ەڭ ٷزدٸك سپورتشىلارىن اتتاندىرادى. ەڭ لايىقتىلارى ٸرٸكتەلدٸ. مەن ولگا رىپاكوۆانىڭ وليمپيادانىڭ اشىلۋ سالتاناتىندا قازاقستان تۋىن الىپ شىعاتىنىنا قۋانىشتىمىن. سەبەبٸ, ولگانىڭ ارقاسىندا كٶك بايراعىمىز وليمپيادا كٶگٸندە بٸر ەمەس, بٸرنەشە رەت جەلبٸرەدٸ. قامشىبەك قوڭقاباەۆ – قازاقستاندىق سپورتتىڭ كٷشٸ مەن شەبەرلٸگٸنٸڭ ٷلگٸسٸ, وليمپيادا شارشى الاڭىندا زور جاۋاپكەرشٸلٸككە يە بولعان بوكس قۇراماسىنىڭ كاپيتانى. ەكٸ سپورتشى دا قاتارلاستارىنىڭ الدى, قۇرامانىڭ كٶشباسشىلارى جەنە جاس بۋىنعا ٷلگٸ. قوس اتلەتكە جەنە بارلىق وليمپيادالىق قۇرامعا سەتتٸلٸك تٸلەيمٸن», - دەدٸ قازاقستان ۇوك باسشىسى تيمۋر قۇلىباەۆ.
ولگا رىپاكوۆا ٷشٸن توكيوداعى جارىس ونىڭ سپورت مانسابىنداعى تٶرتٸنشٸ وليمپيادا بولماق. ول ٷش قارعىپ سەكٸرۋ بويىنشا 2008 جىلى بەيجٸڭ وليمپياداسىندا كٷمٸس, 2012 جىلى لوندوندا التىن جەنە 2016 جىلى ريودا قولا مەدال جەڭٸپ الدى.
بۇدان بٶلەك, ولگانىڭ ەنشٸسٸندە ۋنيۆەرسيادا «التىنى» جەنە ازييا ويىندارىنىڭ 6 التىن مەدالٸ بار. سونداي-اق, ول ەلەم چەمپيونى جەنە 2010 جىلعى قۇرلىقتىق كۋبوگتٸڭ يەگەرٸ.
«وليمپيادا ويىندارىنداعى قازاقستانعا تيەسٸلٸ 16 «التىنىنىڭ» ٷشەۋٸن ەيەلدەر جەڭٸپ الدى. جىلدان-جىلعا سپورتتاعى ەيەلدەر سانى ارتىپ, ولار جاڭا رەكوردتار ورناتادى دەپ سەنەمٸن. وليمپيادا ويىندارىنىڭ اشىلۋ سالتاناتىندا ەلٸمٸزدٸڭ تۋى سەنٸپ تاپسىرىلعانى كەرەمەت ەسەر, سەزٸمگە بٶلەيدٸ. دەل وسى ميسسييانىڭ ماعان ۇسىنىلعانىنا جەنە سەنٸپ تاپسىرىلعانىنا قۋانىشتىمىن», - دەيدٸ ولگا رىپاكوۆا.
قامشىبەك قوڭقاباەۆ - بوكستان قازاقستان ەرلەر ۇلتتىق قۇراماسىنىڭ كاپيتانى. ول 2014 جىلى ەسكەريلەر اراسىندا ٶتكەن ەلەم چەمپيوناتىنىڭ جەڭٸمپازى. ازييا چەمپيوناتىنىڭ ەكٸ دٷركٸن جەڭٸمپازى جەنە 2017 مەن 2019 جىلعى ەلەم چەمپيوناتتارىنىڭ كٷمٸس جٷلدەگەرٸ. توكيو وليمپياداسى 29 جاستاعى قىزىلوردالىق سپورتشى ٷشٸن العاشقى وليمپيادا ويىندارى بولماق.
«توكيوداعى وليمپيادا ويىندارىنىڭ اشىلۋ سالتاناتىندا تۋدى ۇستاپ شىعۋدى ماعان سەنٸپ تاپسىرعانى ٷشٸن قازاقستان مەن ەلٸمٸزدٸڭ سپورت قوعامىنا العىس بٸلدٸرگٸم كەلەدٸ. بۇل مەن ٷشٸن ٷلكەن جاۋاپكەرشٸلٸك جەنە ٷلكەن مەرتەبە», - دەدٸ قامشىبەك قوڭقاباەۆ.
وليمپيادا ويىندارىنىڭ اشىلۋ سالتاناتى 23 ماۋسىمدا توكيو وليمپيادا ستاديونىندا ٶتەدٸ. وليمپيادالىق كوماندا توكيوعا جٸبەرٸلگەنگە دەيٸن جاتتىعۋ بازالارىندا كەم دەگەندە ەكٸ اپتا كارانتيندە بولادى. كوماندا جاپونيياعا 16 شٸلدەدە اتتانادى. قاۋٸپسٸزدٸك پەن دەنساۋلىقتى قورعاۋدى قامتاماسىز ەتۋ ٷشٸن دەلەگاتسييانىڭ رەيستەرٸ «Air Astana» ەۋەكومپانيياسىنىڭ چارتەرلٸك رەيستەرٸمەن جٷزەگە اسىرىلادى.
بۇعان دەيٸن حابارلاعانىمىزداي, قازٸر وليمپياداعا قازاقستاننان 95 سپورتشى باراتىنى بەلگٸلٸ. دەگەنمەن, سپورتشىلاردىڭ سوڭعى ەرٸ ناقتى تٸزٸمٸ 5 شٸلدەدەن كەيٸن انىق بولادى. سەبەبٸ ۇوك كەيبٸر سپورت تٷرلەرٸنەن حالىقارالىق فەدەراتسييالاردىڭ ليتسەنزييالاردى قايتا بٶلۋ, ٷلەستٸرۋ نەتيجەلەرٸن كٷتۋدە.
