© AFP 2023 / VINCENZO PINTO
قازاقستاندىق اۋىر اتلەت, توكيوداعى جازعى وليمپيادا ويىندارىنىڭ قولا جٷلدەگەرٸ يگور سون دوپينگ داۋىنا بايلانىستى سپورتتان 8 جىلعا شەتتەتٸلدٸ. بۇل تۋرالى ۇلتتىق انتيدوپينگ ورتالىعىنىڭ رەسمي سايتى حابارلادى, - دەپ جازادى Massaget.kz پورتالى.
سون 8 جىل بويى سپورتتىق جارىستارعا قاتىسا المايدى. ناقتىراق ايتساق, 2030 جىلدىڭ ناۋرىز ايىنا دەيٸن قاتىسۋعا رۇقساتى جوق. ال شەتتەتٸلۋ ۋاقىتى 2022 جىلدىڭ ناۋرىز ايىنان باستالعان. سپورتشىنىڭ دوپينگ سىناماسىنان مەتاستەرون انىقتالعان.
قازاقستاندىق سپورتشى 2020 جىلى توكيودا 61 كيلوعا دەيٸنگٸ سالماقتا قولا مەدال ەنشٸلەگەن ەدٸ. ال 2019 جىلى ەلەم چەمپيوناتىندا كٷمٸس العان.
ايتا كەتەيٸك, يگور مانسابىندا ەكٸنشٸ رەت دوپينگ داۋىنا ٸلٸگٸپ وتىر. بۇعان دەيٸن قازاقستاندىق اۋىر اتلەت 2015 جىلى جاسٶسپٸرٸمدەر اراسىنداعى ەلەم چەمپيوناتىنان كەيٸن بٸرنەشە ايعا جارىستاردان شەتتەتٸلگەن. ول كەزدە سپورتشى تىيىم سالىنعان پرەپارات اعزاسىنا بيوقوسىمشالار ارقىلى تٷسكەنٸن دەلەلدەپ شىققان ەدٸ.
حالىقارالىق وليمپيادا كوميتەتٸنٸڭ (حوك) ەرەجەسٸنە سەيكەس, دوپينگ قولدانعانى ٷشٸن جارىستاردان شەتتەتٸلگەن سپورتشىنىڭ وليمپياداداعى نەتيجەسٸ دە جويىلادى. يگوردى دا سونداي جاعداي كٷتٸپ تۇر.
قازاقستاننىڭ ۇلتتىق انتيدوپينگ ورتالىعى يگور سوندى عانا ەمەس, بٸرقاتار سپورتشىلاردى جارىستاردان شەتتەتتٸ. ولاردىڭ قاتارىندا اۋىر اتلەتتەردەن ٶزگە تاەكۆوندو مەن جەڭٸل اتلەتيكا سپورتشىلارى دا بار.
