توكيو وليمپياداسىندا رەسەيلٸك سپورتشى جەنە چيلي رەسپۋبليكاسىنان كەلگەن جۋرناليستٸڭ اراسىندا جانجال تۋىندادى. ۇيىمداستىرۋ كوميتەتٸ وسى مەسەلەگە قاتىستى تەرگەۋ شارالارىن باستادى, دەپ جازادى Sputnik اگەنتتٸگٸ.
سەرسەنبٸ كٷنٸ دانييل مەدۆەدەۆ ەكٸنشٸ اينالىمدا يتالييالىق تەننيسشٸ فابيو فونينيدٸ جەڭٸپ, وليمپيادانىڭ 1/8 فينالىنا شىققان بولاتىن. وسى ماتچتان كەيٸن باسپاسٶز مەسليحاتى ٶتتٸ. رەسەيلٸك سپورتشى جۋرناليستەردٸڭ سۇراعىنا جاۋاپ بەرگەن. كەزدەسۋ بارىسىندا چيليدەن كەلگەن بٸر جۋرناليست بارلىق رەسەيلٸك سپورتشىنى "چيتەر" (ٶتٸرٸكشٸ) دەپ اتاپ, مەدۆەدەۆتەن ٶزٸن ولاردىڭ قاتارىندا قالاي سەزٸنەتٸنٸن سۇرادى.
رەسەيلٸك تەننيسشٸ ٶمٸرٸندە العاش رەت جۋرناليستٸڭ سۇراعىنا جاۋاپ بەرۋدەن باس تارتىپ وتىرعانىن ايتىپ, حالىقارالىق تەننيس فەدەراتسيياسىنان (ITF) رەپورتەردٸ جارىستارعا كٸرگٸزبەۋدٸ تالاپ ەتتٸ.
كرەمل دە مەدۆەدەۆتٸڭ ۇستانىمىن قولدادى. ال جۋرناليستٸڭ الاياقتىق جايىندا ايتقان سٶزٸن سپورتشىلارعا تٸل تيگٸزۋ دەپ باعالادى. رف پرەزيدەنتٸنٸڭ باسپاسٶز حاتشىسى دميتريي پەسكوۆتىڭ ايتۋىنشا, تەننيسشٸ ارانداتۋشىلىق ەرەكەتكە لايىقتى جاۋاپ بەرگەن.
ال وليمپيادانىڭ ۇيىمداستىرۋ كوميتەتٸ رەسەيلٸك سپورتشى مەن چيليلٸك جۋرناليست اراسىنداعى جانجال بويىنشا تەرگەۋدٸڭ باستالعانىن حابارلادى.
"ۇيىمداستىرۋ كوميتەتٸ تەرگەۋدٸ باستادى", — دەدٸ رەسەيدٸڭ وليمپيادا كوميتەتٸنٸڭ ٶكٸلدەرٸ ريا نوۆوستي اگەنتتٸگٸنە بەرگەن سۇحباتىندا.
ايتا كەتەيٸك, فابيو فونينيگە قارسى ماتچتا دانييل مەدۆەدەۆ ٶزٸن ناشار سەزٸنٸپ, دەرٸگەرلەر كٶمەگٸنە جٷگٸنۋگە مەجبٷر بولدى.
