ۆەلوسپورتتان قازاقستان كومانداسى 2004 جىلعى وليمپيادا ويىندارىنان كەيٸن العاش رەت تٶرتجىلدىق دوداسىنا ٷش ليتسەنزييا جەڭٸپ الدى, دەپ حابارلايدى "ۇلت اقپارات" olympic.kz-كە سٸلتەمە جاساپ.
حالىقارالىق ۆەلوسيپەدشٸلەر وداعىنىڭ رەيتينگٸندە قازاقستان 3259,35 ۇپاي جيناپ, 19-شى ورىنعا تۇراقتادى. ٸرٸكتەۋ ەرەجەسٸنە سەيكەس, بۇل بٸزدٸڭ كوماندانىڭ توكيو ويىندارىنا ٷش سپورتشى اپارۋىنا مٷمكٸندٸك بەرەدٸ.
باس باپكەر اسان بازاەۆتىڭ ايتۋىنشا, بۇل - تاريحي جاعداي. «سوڭعى ٷش وليمپيادا ويىندارىندا بٸز وسىنشا ليتسەنزييا الماعانبىز. سوندىقتان بٸز ٷشٸن بۇل جاقسى نەتيجە دەپ اۋىز تولتىرىپ ايتا الامىن. كوماندانىڭ كٶرسەتكٸشٸ تولىعىمەن كٶڭٸلدەن شىعادى. ەرينە, مۇنداي جەتٸستٸككە جەتۋ ٷشٸن ٷزدٸك سپورتشىمىز الەكسەي لۋتسەنكونىڭ قوسقان ٷلەسٸ زور. بٸر جىل بويى ۇپايعا تالاسقان كومانداداعى ٶزگە شاباندوزداردىڭ دا ەڭبەگٸن جوققا شىعارمايمىن. جٸگٸتتەردٸڭ بارلىعى دا جوعارى دەڭگەيدە جۇمىس ٸستەدٸ. جەڭٸسٸمٸز دە كٶپ بولدى. ەندٸگٸ جوسپاردىڭ بارلىعى تٸكەلەي وليمپيادا ويىندارىمەن بايلانىستى. توكيوعا دايىندىق جوسپارىن تٷزەمٸز. ونىڭ ٸشٸندە بيٸك تاۋ دەڭگەيٸندە ٶتەتٸن جاتتىعۋ جيىندارى بار. تاۋداعى جيىن وليمپيادا قارساڭىندا ٶتەدٸ. كوماندا قۇرامى تۋرالى ەزٸرگە ەشتەڭە ايتا المايمىن. جاڭا ماۋسىم ەلٸ باستالعان جوق. سپورتشىلارىمىز ازعانتاي ٷزٸلٸستەن ەندٸ ورالىپ جاتىر. وليمپيادا ويىندارىنا قاتىساتىن ناقتى قۇرامدى توكيوداعى دودا جاقىنداعان تۇستا ايتامىز. بٸزدٸ تىنىمسىز دايىندىق كٷتٸپ تۇر. ٶز ەلەۋەتٸمٸزدٸ كٶرسەتەتٸن مٷمكٸندٸك بار. لۋتسەنكو ناعىز بابىندا. سوندىقتان, تەك العا ۇمتىلامىز», - دەدٸ ا. بازاەۆ.
ەزٸرگە بەلگٸلٸ بولعانى, 2020 جىلعى توكيو وليمپياداسىندا ٷش قازاقستاندىق ۆەلوشاباندوز توپتىق جارىستا باق سىنايدى. سونداي-اق, ولاردىڭ بٸرٸ جەكەلەي جارىسقا قاتىسادى.
