قازاقستان سپورتشىلارىن توكيو-2020 جازعى وليمپيادا ويىندارىنا دايىنداۋعا جەنە الىپ بارۋعا قانشا قاراجات بٶلٸندٸ? بۇل سۇراققا قر ۇلتتىق وليمپيادا كوميتەتٸ سپورت ديرەكتسيياسىنىڭ ديرەكتورى ەلسييار قاناعاتوۆ جاۋاپ بەردٸ, دەپ حابارلايدى قازاقپارات.
«قارجىعا قاتىستى بارلىق اقپارات سايتتا كٶرسەتٸلگەن. ول جەردە جالعان اقپاراتتاردا ايتىلىپ جٷرگەن ٷلكەن سوما جوق. بٸز توكيو وليمپياداسىمەن قاتار, ازييا ويىندارىنا دا دايىندالدىق. ٶتكەن جىلى پاندەميياعا بايلانىستى 10,9 ملرد تەڭگە بٶلٸندٸ. بيىل ەكٸ بٸردەي ەلەمدٸك دوداعا قاتىساتىن بولعاندىقتان 15,6 ملرد تەڭگە قاراستىرىلدى. ونىڭ ٸشٸندە سپورتشىلاردىڭ جالاقىسى, قاجەتتٸ قۇرال-جابدىقتار الۋ, مەديتسينالىق كٶمەك, جيىنداردى ٶتكٸزۋ, ليتسەنزييا ۇتىپ الۋ سايىستارىنا قاتىسۋ سەكٸلدٸ بٸرنەشە باعىت بار.
توكيوعا قازاقستاننان ٷلكەن كٶلەمدە دەلەگاتسييا كەتٸپتٸ دەگەن دە سىبىس تاراپ جاتىر. كەرٸسٸنشە, پاندەميياعا بايلانىستى ۇيىمداستىرۋشىلار كەلۋشٸلەردٸڭ سانىن شەكتەدٸ. يە, بٸزدٸڭ كوميتەتتٸڭ قىزمەتكەرلەرٸ بار, ولار وليمپيادا كەزٸندە كٷنٸ-تٷنٸ ەڭبەك ەتٸپ جاتىر. سوندىقتان كٶپ ادام كەلدٸ دەگەندەرمەن كەلٸسپەيمٸن. بٶلٸنگەن قاراجاتتى سپورتشىلارعا جەتكٸزۋگە تىرىسامىز», - دەدٸ ەلسييار قاناعاتوۆ وكق-دە ونلاين ٶتكەن باسپاسٶز مەسليحاتىندا.
سونداي-اق, كوميتەت ٶكٸلٸ توكيو وليمپياداسى ساپارىنا بٶلٸنگەن قارجىدان 300 ملن تەڭگە ٷنەمدەلگەنٸن العا تارتتى.
