توكيو وليمپياداسىن ۇيىمداستىرۋ كوميتەتٸنٸڭ باسشىسى يوسيرو موري گەندەرلٸك مەلٸمدەمەلەرٸنە قاتىستى جانجالعا بايلانىستى جۇمىستان كەتەتٸنٸن مەلٸمدەدٸ, دەپ حابارلايدى Kyodo News اگەنتتٸگٸ.
«بٷگٸنگٸ كٷننەن باستاپ وتستاۆكاعا كەتەمٸن. مەن ورىنسىز مەلٸمدەمەلەر جاساپ, قولايسىز جاعداي تۋدىردىم. وليمپياداعا دايىندىققا كەدەرگٸ بولماۋىم كەرەك ەدٸ», - دەدٸ ول «توكيو-2020» ۇيىمداستىرۋ كوميتەتٸ اتقارۋشى كەڭەسٸنٸڭ وتىرىسىندا.
يوسيرو موريدٸڭ ورنىن جاپونيياداعى وليمپيادا ٸستەرٸ بويىنشا مينيستر سەيكو حاشيموتو باسۋى مٷمكٸن.
83 جاستاعى موري جاپونيياداعى وليمپيادانى ۇيىمداستىرۋ كوميتەتٸن 2014 جىلدان بەرٸ باسقارادى.
موريدٸڭ وتستاۆكاعا كەتەتٸنٸ تۋرالى 3 اقپان كٷنٸ ايتىلا باستادى. ول 2020 جىلعى وليمپيادا ويىندارىنىڭ ۇيىمداستىرۋ كوميتەتٸنٸڭ وتىرىسىندا سپورت كوميتەتتەرٸ مەن فەدەراتسييالاردا ەيەل سانىنىڭ كٶبەيۋٸ جينالىستاردىڭ ۇزاققا سوزىلاتىنىنا ەكەپ سوعاتىنىن مەلٸم ەتكەن ەدٸ.
توكيو وليمپياداسى 2020 جىلدىڭ 24 شٸلدەسٸ مەن 9 تامىزى ارالىعىندا ٶتۋٸ كەرەك بولاتىن, بٸراق كوروناۆيرۋس پاندەميياسىنا بايلانىستى جارىس بٸر جىلعا شەگەرٸلدٸ. ەندٸ ويىندار 2021 جىلدىڭ 23 شٸلدەسٸ مەن 8 تامىزى ارالىعىنا جوسپارلانىپ وتىر. بۇل جارىستاردىڭ اتاۋىن «توكيو-2020» دەپ قالدىردى. ال پاراليمپيادا ويىندارى 24 تامىز بەن 5 قىركٷيەك ارالىعىندا ٶتەدٸ.
