توكيو وليمپياداسىندا بوكستان 1/8 فينالىنىڭ جەكپە-جەكتەرٸ باستالدى. بٷگٸن رينگكە قازاقستاندىق بوكسشى سەكەن بيبوسىنوۆ (52 كەلٸ) تا شىقتى, دەپ حابارلايدى "ۇلت اقپارات".
ەكٸنشٸ اينالىمدا بيبوسىنوۆ فرانتسۋز بوكسشىسى بيللال بەننامامەن كەزدەستٸ. جەرلەسٸمٸز بٸرٸنشٸ راۋندتان باستاپ رينگتٸڭ ورتاسىن بەرمەي, قارسىلاسىنا قىسىم جاساي باستادى. سوققىلارى دا دٸتتەگەن جەرٸنە جەتتٸ. سونىڭ ارقاسىندا بٸرٸنشٸ راۋندnا باسىمدىققا يە بولدى. بەس تٶرەشٸنٸڭ تٶرتەۋٸ وعان جوعارى ۇپاي بەردٸ.
ەكٸنشٸ راۋندتا قازاقستاندىق بوكسشىنىڭ قارقىنى سەل بەسەڭدەسە دە, ٶز باسىمدىعىن ۇستاپ قالدى. ال ٷشٸنشٸ راۋندا ەكەۋٸ اشىق جۇدىرىقتاستى. باستارىن بٸر-بٸرٸنە تٸرەپ قويىپ, سەرييالىق سوققىلارىن جاسادى. بيبوسىنوۆ وسى راۋندتى دا الىپ كەتتٸ. قورىتىندى ەسەپ- 5:0.
شيرەك فينالدا بيبوسىنوۆ يسپانييالىق بوكسشى گابريەل ەسكوبار ماسكۋنانومەن قولعاپ تٷيٸستٸرەدٸ. بۇل جەكپە-جەك 3 تامىزدا ٶتەدٸ.
بۇعان دەيٸن بيبوسىنوۆ العاشقى جەكپە-جەكتە پۋەرتوريكالىق يانكەل ريۆەرا فيگەرونى 4:1 ەسەبٸمەن جەڭگەن بولاتىن.
ايتا كەتەيٸك, وليمپيادادا تٶرت بوكسشىمىز قالدى. ولار - زاكير سافيۋللين (63 كەلٸ), سەكەن بيبوسىنوۆ (52 كەلٸ), ەبٸلحان امانقۇل (75 كەلٸ) مەن قامشىبەك قوڭقاباەۆ (91 كەلٸدەن جوعارى). قالعان تٶرت بوكسشى جارىس جولىن اياقتاعان بولاتىن. اتاپ ايتقاندا, سەرٸك تەمٸرجانوۆ (57 كەلٸ) ەكٸنشٸ اينالىمنان اسا الماسا, 69 كەلٸ سالماق دەرەجەسٸندە ابىلايحان جٷسٸپوۆ امەريكالىق بوكسشىعا جول بەردٸ. ال ۆاسيليي لەۆيت (91 كەلٸ) نوكاۋتپەن ۇتىلدى. ەلەم چەمپيونى بەكزاد نۇردەۋلەتوۆ تە بٸرٸنشٸ جەكپە-جەكتە رەسەيلٸك بوكسشىدان جەڭٸلٸپ قالدى. قازاقستاننىڭ ەيەلدەر كومانداسى اتىنان توكيو وليمپياداسىنا بارعان جالعىز بوكسشى نادەجدا ريابەتس (75 كەلٸ) بٸرٸنشٸ جەكپە-جەكتە ۇتىلىپ قالدى.
