بٷگٸن پارلامەنت مەجٸلٸسٸنٸڭ جالپى وتىرىسىندا دەپۋتات ەرلان سايروۆ سپورت سالاسىنداعى جٷيەلٸ پروبلەمالاردى كٶتەردٸ. وسى ورايدا ول پرەمەر-مينيستردٸڭ ورىنباسارى ەرالى توعجانوۆتىڭ اتىنا دەپۋتاتتىق ساۋال جولدادى, دەپ حابارلايدى قازاقپارات.
«توكيوداعى وليمپيادا ويىندارى قازاقستاننىڭ سپورت سالاسىنداعى جٷيەلٸ پروبلەمالاردى اشىپ بەردٸ. وسىعان بايلانىستى, پرەزيدەنت قاسىم-جومارت توقاەۆ ەلٸمٸزدٸڭ سپورت سالاسىنىڭ دامۋىنا ٶزٸنٸڭ الاڭداۋشىلىعىن بٸلدٸردٸ. بٸزدٸڭ سپورت سالاسىندا قاراما-قايشىلىقتار ٶتە كٶپ! كەيبٸر سپورت وبەكتٸلەرٸنە اعىل-تەگٸل قارجى بٶلٸنگەن. مىسالى, شۋچينسكٸدەگٸ تاۋلى شاڭعى ترامپلينٸ نىسانىنا 38 ملرد تەڭگە جۇمسالعان. ال سپورتتىق نەتيجە جوق. 2021 جىلى جوعارى جەتٸستٸك سپورتىنا 47 ملرد تەڭگەدەن استام بٶلٸنسە, بۇقارالىق سپورتتىڭ دامۋىنا بار جوعى 2 ملرد تەڭگە بٶلٸنگەن. بالالار مەن جاسٶسپٸرٸمدەر مەكتەپتەرٸ مەن جاتتىقتىرۋشىلارىنىڭ ماتەريالدىق-تەحنيكالىق مٷشكٸل جاعدايى, ەل ٸشٸندە جاسٶسپٸرٸمدەر اراسىندا جارىستاردىڭ بولماۋى, بالالار مەن جاستار سپورتىن قولداۋدىڭ جٷيەسٸنٸڭ جوقتىعى سپورت جەتٸستەرٸنٸڭ باستى تەجەگٸشٸ», - دەدٸ ە. سايروۆ.
ونىڭ پايىمىنشا, سپورت فەدەراتسيياسىنا باسشى بولعان وليگارحتار سپورتتى دامىتۋعا ەمەس, بيۋدجەت قارجىسىن يگەرۋگە ەۋەس. Nur-Otan فراكتسيياسى سپورت سالاسىن تٷبەگەيلٸ رەفورمالاۋ قاجەت دەپ ەسەپتەيدٸ. قازاقستاننىڭ سپورت سالاسى ەلٸمٸزدٸڭ ٸشكٸ ادامي كاپيتالىن پايدالانۋعا جەنە دامىتۋعا باعىتتالۋى تيٸس.
«اۋىل-ايماقتاردا بالالاردىڭ جاپپاي سپورتپەن اينالىسۋىنا جاعداي جاساۋ كەرەك, ول ٷشٸن مەكتەبٸ بار بارلىق اۋىلداردا زامان تالابىنا ساي سپورت زالدارىن سالۋ ماڭىزدى. اۋىل-اۋدان دەڭگەيٸندە بالا-جاسٶسپٸرٸم سپورت مەكتەپتەرٸن قالىپقا كەلتٸرٸپ, ولاردىڭ وقۋ-جاتتىعۋ ەدٸستەرٸن مودەرنيزاتسييا جاساۋ قاجەت. ٶڭٸرلٸك ەكٸمشٸلٸكتەر وبلىستىق بۇقارالىق سپورت جارىستارىن كٶپتەپ ۇيىمداستىرىپ, جاس جەتكٸنشەكتەرگە جول اشاتىن جاعداي جاساۋلارى كەرەك. قازاقستاندا سالىنعان ٸرٸ سپورت كەشەندەرٸندە بالالار مەن جاسٶسپٸرٸمدەرگە باعا ٶتە قىمبات بولعاندىقتان دەنە شىنىقتىرۋ, سپورتپەن شۇعىلدانا المايدى. قاراپايىم حالىققا, ەسٸرەسە بالالارعا بۇل كەشەندەردٸڭ ەسٸگٸ «تارس جابىلعان». وسى مەسەلەنٸ شۇعىل شەشۋ مٸندەت!», - دەدٸ دەپۋتات.
«جاتتىقتىرۋشىلاردىڭ كەسٸبي دەڭگەيٸن ارتتىرا وتىرىپ, ەرتٷرلٸ وزىق حالىقارالىق مەكتەپتەرمەن تەجٸريبە الماسۋدى جولعا قويۋ ماڭىزدى. شەتتە, باسقا ەلدەردٸڭ مەدال قورجىنىن تولتىرىپ جٷرگەن ۇلتتىق جاتتىقتىرۋشىلاردى ەلگە قايتارۋ - باستى مٸندەت. بارلىق ٷنەمدەلگەن قارجى وليمپيادالىق سپورت فەدەراتسييالارىنىڭ ماتەريالدىق-تەحنيكالىق بازاسىن جەتٸلدٸرۋگە, جاتتىقتىرۋشىلاردىڭ مورالدىق, پروفەسسيونالدىق, ماتەريالدىق دەڭگەيٸن كٶتەرۋگە, ٶز ەلٸمٸزدٸڭ جاس سپورتشىلارىن تەربيەلەۋگە باعىتتالۋى تيٸس», - دەدٸ ول.
