بوكستان توكيو وليمپياداسىندا قازاقستان كومانداسىنىڭ ٷزدٸگٸ بەكزات نۇردەۋلەتوۆ جەڭٸلٸپ قالدى, دەپ حابارلايدى Olympic.kz.
81 كەلٸگە دەيٸنگٸ سالماق دەرەجەسٸ بويىنشا ٶتكەن كەزدەسۋدە قازاقستاندىق بوكسشىعا قارسى رەسەيلٸك يمام حاتاەۆ شىقتى. بٸرٸنشٸ راۋندا نۇردەۋلەتوۆ بٸرنەشە اۋىر سوققى ٶتكٸزٸپ الدى. دەگەنمەن ەسەسٸن قايتارا بٸلدٸ. ال تٶرەشٸلەردٸڭ بەرٸ رەسەيلٸك سپورتشىعا جوعارى ۇپاي بەردٸ. ەكٸنشٸ راۋندتا قازاقستاندىق بوكسشى ٶز شابۋىلىن ٷدەتە تٷستٸ. سونىڭ ارقاسىندا بەس تٶرەشٸنٸڭ ٷشەۋٸ ونىڭ ٶنەرٸن جوعارى باعالادى. ال ٷشٸنشٸ راۋندتا ەكەۋٸ اشىق بوكستاستى.
جەكپە-جەكتٸ ەكٸ رەت توقتاتۋعا تۋرا كەلدٸ. بوكسشىلاردىڭ ەكەۋٸ دە جاراقات الدى. تٶرەشٸلەر شەشٸمٸمەن رەسەيلٸك بوكسشى جەڭٸسكە جەتتٸ. قورىتىندى ەسەپ – 1:4.
وسىلايشا, 23 جاستاعى ەلەم چەمپيونى وليمپياداداعى العاشقى جەكپە-جەكتە ۇتىلىپ قالدى.
وعان دەيٸن قازاقستاننىڭ ەيەلدەر كومانداسى اتىنان توكيو وليمپياداسىنا بارعان جالعىز بوكسشى نادەجدا ريابەتس (75 كەلٸ) بٸرٸنشٸ جەكپە-جەكتە ۇتىلسا, سەرٸك تەمٸرجانوۆ (57 كەلٸ) ەكٸنشٸ اينالىمنان اسا المادى. كەشە 69 كەلٸ سالماق دەرەجەسٸندە ابىلايحان جٷسٸپوۆ امەريكالىق بوكسشىعا جول بەردٸ. ال ۆاسيليي لەۆيت (91 كەلٸ) نوكاۋتپەن ۇتىلدى.
وليمپيادادا تٶرت بوكسشىمىز قالدى. زاكير سافيۋللين (63 كەلٸ) مەن سەكەن بيبوسىنوۆ (52 كەلٸ) العاشقى جەكپە-جەكتەرٸن سەتتٸ ٶتكٸزگەن. سونداي-اق, الداعى ۋاقىتتا ەبٸلحان امانقۇل (75 كەلٸ) مەن قامشىبەك قوڭقاباەۆتىڭ (91 كەلٸدەن جوعارى) جەكپە-جەكتەرٸ بار.
