توكيو گۋبەرناتورى يۋريكو كويكە جازعى وليمپيادا ويىندارىنىڭ وبەكتٸلەرٸن ارالاۋعا تىيىم سالىنادى دەپ مەلٸمدەدٸ. ونىڭ سٶزٸنشە, بۇل شارا كوروناۆيرۋس ٸندەتٸنٸڭ الدىن الۋ قاجەتتٸگٸنەن تۋعان. ەل پرەمەر-مينيسترٸ ەسيحيدە سۋگامەن كەزدەسكەننەن سوڭ كويكە ەكسكۋرسيياعا ارنالعان ورىنداردىڭ ۆاكتسينالاۋ پۋنكتەرٸنە اينالاتىنىن ايتتى. بۇل تۋرالى The Japan Times باسىلىمى حابارلادى.
بيىلعى وليمپيادا ويىندارىن ٶز اۋماعىندا ٶتكٸزەتٸن جاپونييادا ٷكٸمەت كوروناۆيرۋس ٸندەتٸنٸڭ تاراۋىن قولعا الا الماعانى ٷشٸن قوعام سىنىنا ۇشىراپ كەلەدٸ.
The Japan Times باسىلىمىنىڭ جازۋىنشا, ۇيىمداستىرۋشىلار, ٷكٸمەت مٷشەلەرٸ جەنە دەنساۋلىق ماماندارى كٶرەرمەندەردٸ جارىس تاماشالاۋعا كٸرگٸزۋ-كٸرگٸزبەۋ مەسەلەسٸندە ەلٸ داۋلاسىپ وتىر.
پرەمەر-مينيستر ەسيحيدە سۋگا كٶرەرمەندەردٸ كٸرگٸزۋدٸ ماقۇلداپ, توكيو قالاسى ٷشٸن تٶتەنشە جاعدايدى 20 ماۋسىم كٷنٸ اياقتاۋ تۋرالى شەشٸم قابىلدادى.
بٸراق ەلدٸڭ ٷكٸمەتتٸڭ Covid جٶنٸندەگٸ كوميتەتٸن باسقاراتىن شيگەرۋ ومي كٶرەرمەندەردٸ جارىس ورىندارىنا كٸرگٸزبەۋ كەرەك دەپ وتىر.
ومي باستاعان ساراپشىلار توبىنىڭ 18 ماۋسىم كٷنٸ جارييالاعان بايانداماسىندا كٶرەرمەندٸ قاتىستىرماۋ وليمپيادا ويىندارىن ٶتكٸزۋدٸڭ ەڭ قاۋٸپسٸز جولى بولماق دەپ جازىلعان.
دٷيسەنبٸ, 21 ماۋسىم كٷنٸ گۋبەرناتور كويكە مەن پرەمەر-مينيستر سۋگا حالىقارالىق وليمپيادا كوميتەتٸمەن جەنە حالىقارالىق پاراليمپيادا كوميتەتٸمەن كەزدەسٸپ, جارىستارعا قانشا جانكٷيەر قاتىسا الاتىنىن تالقىلاۋى تيٸس.
